عجبي عليك يا زمن      كل يوم فيك في حال
يوم تلاقي الحب والود    بين الناس بكل الاشكال
وتفتكر ان كل اللي حواليك   اخواتك واكتر كمان
وفجاة ينقلب كل شئ     وتلاقي الضرب من تحت الحزام
والضحك علي الدقون ومن بره زى   الفل ومن جوا ربنا عالم بالحال
يكفيك سر من يضحك في وشك    ومن وراك يتلون بكل الالوان
وفينا اللي قاعد يتفرج    ومنا اللي بيصدر في الاحكام
والكل قاعد متربص للتاني    ومستني لغلطه تبان مع الايام
حتي الستات الله واكبر عليهم    بقالهم دور فعال
وكل يوم والتاني الافكار نازله    ترف وربنا يستر علي اللي جاي
والمنافسه بقت شديدة وسخنه    بين ستتنا والرجال
والغلبه طبعا عارفين لمين    دى حاجه مش محتاجه كلام
سبحان الله علينا يا بشر    نتجمع فى سنين ونتفرق في ايام
كنا تحت جناح المكان الكبير    يساع الكل واسمه مسجد الرحمان
دلوقتى تدور علينا تلاقى    كل واحد منا فى مكان
يا اخوانا العمر بيجرى بينا    ومفيش وقت لقلنا وقال
يارب جمع خطانا على الخير      واجعل دايما بنا سلام