قصة حب

حبيت فى يوم   اعيش قصه حب

زى كل الشباب   تحب وتتحب

قلت اجرب مع جارتى   واشوف حاله القلب

وفضل يدق ويدق   لحد ما وقعنى  فى مطب

لقيت نفسى بخبط   على الباب واقول فين الاب

عمى جوزنى بنتك   احسن قلبى طب

والراجل طبعا مصدق   زى اللى عايز يهرب

وفضلت اسبل عنيا وهيا تضحك   ليا والله على الحب

وخد عندك سنتين بعد الجواز   اقول بحبك تقول انت اعظم قلب

وعبدالحليم وام كلثوم   وغيرهم من اهل الطرب

لكن النهارده اقول بحبك   تقولى انت سخن ما ولى زمن الحب

واشغل عبدالحليم ولا ام كلثوم   تغير وتجيب العنب العنب

عنب ولا خيار ولا حتى بحبك يا حمار   انا ما ليش دنب

انا عايز وصفه سحريه احب فيها   الوليه قالولى اسال مجرب

وسالت المجربين قالولى   عليك وعلى اهل الطب

عجبى على زمن كل حاجه   فيه محسوبه حتى دقه القلب