الدكتور / حمدي مصطفى

خير إن شاء الله ــ السنه اللي فاتت لها وقع جامد علي المستوي الشخصي ، وفي تاريخ بلدنا سنة مهمة جدا فيها حدث من أهم أحداث تاريخ العصر الحديث

وسنة2012 هي النور للطريق الصحيح إن شاء الله ، انا متفائل رغم وجود علامات الإستفهام في التحول القومي لبلدنا ، ويارب ألهم المسؤلين عن بلدنا بالرشاد والحب والإنتماء للبلد

المهندس / عبد الرحمن طه

السنة اللي فاتت طموح لم يحقق

السنة الجاية أمل كبير

إحساسي بالسنة الجديدة الواحد بيكبر سنة

الحاج / محمد المليجي

السنة اللي فاتت سنة جميلة جدا ، حصل فيها اللي ماكنش متوقع علي مدار 30 سنة

أما بالنسبة للسنة الجاية أنا متفائل جدا وخصوصا أنا بعمل عمل حر وطبيعة عملي لازم تخليني متفائل علي طول ، وإن شاء الله يكمل مشوار الثورة المصرية علي خير ، والمجلس العسكري يوفي بوعده ويكون عندنا برلمان حر ورئيس منتخب علي نهاية شهر 6 في سنة 2112

المهندس / محمد نجا

السنة اللي فاتت مرت جميلة وبخير والحمد لله

والسنة الجاية هتكون أحسن من اللي فاتت ، وأنا متفائل جدا

السنة اللي فاتت سنة جميلة جدا بثورة 25 يناير وأسوأ ما فيها كان مبارك وعائلتة والنظام البائس كلة

والسنة الجاية ندعو أن تكون سنة سعيدة علي المصريين ، وأن يكون في ديموقراطية وحياة سعيدة للشعب المصري لأنه يستحق ذلك ، ومتفائلين بإذن الله

الحاج / صلاح الحديدي

السنة اللي فاتت عدت بحلوها ومرها ، وبخيرها وشرها

بالنسبة للسنة الجاية ربنا يجعلها سنة جميلة علي الجميع ، أنا متفائل بها ، وإن شاء الله كلها حب وخير جاي كتير علي الأمة العربية ، وأنا عند حسن ظني بالله

السنة اللي فاتت سنة جميلة وأتمني في السنة الجديدة أن تكون أجمل وربنا يولي من يصلح ، طبعا متفائل

الأستاذ / صلاح رجب

سنة سودة الله لا يرجعها وهكسر ورها ميت قلة

وسنة 2112 الناس بتقول عليها هتبقي أسود من اللي قبليها وأنا بقول أنها أسود من قرن الخروب ، وربنا يرحمنا علشان لو مارحمناش ياولنا

بالنسبة للتفاؤل أنا مش عارف أجيبه منين ، وسمعني سلام أيامنا قلبت وشها والصبر أجيبه منين

بالنسبه لسنه 2012 انا غير متفائل فى اولها ولكن احتمال يكون هناك نسبه تفاؤل بسيطه فى نهايه السنه..

اما بالنسبه لعام 2011 فهى بالنسبه  لى غلط فى غلط ,لان الثوره سرقت من اصحابها الاصليون

الحاج / أحمد عبد الرحمن

السنة اللي فاتت سنة جميله وحلوة بكل اللي فيها

والسنة الجاية إن شاء الله هتكون سنة سعيدة علينا جميعا وعلي الأمة العربية ، وأنا متفائل جدا بها

الاستاذ /عثمان اليوسفى

عام 2011 كان عبارة عن ربيع الثوارت العربية باعث للأمل وأعاد تشكيل الأستراتيجية فى العالم

عام 2012 غامض لا أحد يعرف من الذى سوف يحدث فيه على وجه الدقة ولكن هناك أمل بأن الأستقرار سيبدأ فى البلاد العربية . وأنا اتوقع فى عام 2012 بداية التحول الحضارى للشرق

الحاج / محفوظ

السنة اللي فاتت أعظم سنة في تاريخ العصر الحديث بظهور النور الجديد للثورة المصرية المجيدة

وفي السنة اللي جاية ربنا يهدي البلطجية ، ومتفائل يما وربنا يقوينا

الحاج / طارق حمزة

السنة اللي فاتت أحلي سنين عمري

والسنة اللي جاية فيها كل الحب والحنان والسعادة إن شاء الله ومتفائل بها

ماجستر / هاني عبد المجيد

السنة اللي فاتت فيها ولدت وهبدأ النمو من سنة 2112

والسنة الجاية سنة لم الشمل ، وخليك فاكر التاريخ ده ( سنة 2119 ) لأنه عام الخير علي مصر إن شاء الله

الحاج / طارق الجندي

السنه اللي فاتت مش حلوة ، أنا حزين جدا علي اللي بحصل في مصر ماعدا الثورة المصرية دي حاجة جميلة جدا

كل اللي بتمناه إن السنة الجاية تكون مصر في أحسن الأحوال ، ويرجع الأمن في الشارع تاني ، وتبقي مصر بلد ديموقراطي ، والشعب يعطي الفرصة للشرطة للحفاظ علي سلامة المواطن المصري ، طبعا متفائل جدا وربنا يوفق شعب مصر

الحاج / حسن علي

السنة اللي فاتت سنة جميلة جدا تحقق فيها مالم نحلم به

بالنسبة للسنة الجاية أتمني أن يتحقق فيها دموقراطية مصر والشعب العربي كلة ، وأتمني أن تكون سنة سعيدة علي الجميع والتوفيق للكل ، ومتفائل جدا بالسنة الجديدة

بالنسبة للسنة اللي فاتت حصل فيها شئ كويس وهي ثورة 25 يناير المصرية ودي ثورة هتغير تاريخ مصر

بالنسبة للسنة الجاية نتمني فيها الصحة والعافية للكل والتوفيق من عند ربنا وللأحسن إن شاء الله

الحاج / فوزي

السنة اللي فاتت سنة جميلة ، وإن شاء الله السنة اللي جاية أفضل ، وأنا متفائل جدا بها ( تفائلو بالخير تجدوه )

السنة اللي فاتت حلوة ( عدت )

والسنة الجاية نتمني أن نكون جميعا أسرة واحد

إحساسي بالسنة اللي فاتت ، سنة وبتعدي من العمر

الحاج / عز الدين مروان

السنة اللي فاتت الحمد لله زي الفل عدت بالخير اللي مات مات واللي لسه عايش هيموت وكله ماشي

والسنة الجاية ربنا يستر بها ، أنا قلقان منها

الحاج / شريف موسي

السنة اللي فاتت عدت الحمد لله كويسة

والسنة الجاية إن شاء الله هتكون أفضل بكتير ، طبعا متفائل جدا

الحاج / إبراهيم طلبة

السنة اللي فاتت كانت سنة كبيسة بس الثورة أحلي ما فيها

بالنسبة للسنة الجاية الله أعلم بها ، أتمني أن تمر علي خير وأتمني أحسن حال للشعب المصري ، أنا متفائل بها

الحاج / رأفت سليمان

السنة اللي فاتت أحسن مافيها الثورة وإن شاء الله السنة الجاية مصر تكون أحسن ، وأنا متفائل بها

الأستاذ / هشام علي

السنه اللي فاتت سنة جميلة والحمد لله خلصت لي خير

والسنة الجاية تكون أحس من السنة اللي فاتت إن شاء الله وأتمني أن تكون مصر زي أوربا ، طبعا متفائل

الشيف / حسين

السنة اللي فاتت جميلة وأحلي حاجة فيها الثورة

والسنة الجاية نكون بخير ومصر وأهلينا بخير وانا متفائل بها للأحسن إن شاء الله

الدكتور / ناجي

السنة اللي فاتت كانت فيها بعض الحجات الإيجابية منها طبعا ثورة مصر

وأتمني في السنة الجديدة أن يكون الحال أحسن من السنة اللي فاتت ، طبعا متفائل لأن بدون التفاؤل مفيش حياة

الأستاذ / وليد الخولي

السنة اللي فاتت سنة جميلة وأتمني في السنة الجديدة أن تكون أجمل وربنا يولي من يصلح ، طبعا متفائل

الحاج / علي السوداني

السنة اللي فاتت سنة الربيع العربي ، وإن شاء الله السنة اللي جاية هتكون سنة إكمال الربيع العربي ، ربنا يحط فينا الأمل والتفاؤل

الأستاذ / ياسر عبد الرحمن

السنة اللي فاتت أحلي مافيها سقوط النظام المصري ، بس توابع الثورة كانت سيئة

نتمني في السنة الجاية أن تكون الأمور أحسن ويكون الأختيار أفضل ، أنا متفائل لأني ديما متفائل

الأستاذ / عصام بسيوني

الحمد لله كل يوم بيعدي الواحد بيتعلم ولو فيه غلط يحاول يصلحه ، وإن شاء الله في السنة الجديدة تكون مصر والأمة العربية في أحسن حال ، وأنا متفائل بالنسبة لمصر

الحاج / محمد الشربيني

بداية السنة اللي فاتت كانت مش كويسة ونهايتها كويسة

وأتمني السنة الجاية تكون أحسن من السنة اللي فاتت ، وأنا متفائل جدا جدا

الحاج / عاطف علي

السنة اللي فاتت مرت علينا بصعوبة نتيجة الأحداث اللي حصلت في مصر من ناحية الثورة وتوابعها ، وإن شاء الله السنة اللي جاية هتكون أفضل علي مصر وربنا يهدي المجلس العسكري ويسلم البلد لأيد أمينة ، طبعا أنا متفائل

والزمالك حديد واللي ميقولش كده يروح يلعب بعيد

الأستاذ / شعبان العشري

السنة اللي فاتت من الناحية السياسية ممتازة فيها تطور كبير جدا بس أحنا مش حاسين به

ومن الناحية الإجتماعية كان فيها مشاكل وإتحلت بالنسبة للجمعية ، أتمني النفوس أن تكون إتغيرت

وم الناحية الإقتصادية فيها تخوفات

ويارب السنة الجاية تكون أحس من السنة اللي فاتت ، طبعا متفائل

الحاج / السيد على

عام 2011 كانت سنه صعبه جدا جدا جدا

اما عام 2012 يارب يجبها خير على الامه العربيه كلها. متفائل جدا

سنه 2011

اهم سنه فى تاريخ مصر الحديثه

إحساسي بالسنة الجاية متفائل جدا

سادتي الكرام / كل عام وحضارتكم بخير

هذه كانت أرء بعض الجالية العربيه بمدينة لينز ــ وأرجو المعذرة والعفو من السادة الذي لم أستطع الحصول علي أرائهم سواء كان ــ فهو بالتأكيد شئ غير مقصود

ولكم مني كل الحب والتقدير

وإلي لقاء أخر إن شاء الله وقدر لنا اللقاء

السيد علي