بسم اللة الرحمن الرحيم       

   ياحلو اروح فين دنيا زحمة وليل داخل  واللي بحبة ساكن في عطفة من داخل الداخل           نرجع لكم تاني بعد العيد ويارب                           تكونوا جميعا قضيتوا عيد سعيد            المهم اكتب لكم اليوم عن موضوع ,وهو<ألمطريبين الشعبين واغانيهم>      اللي يتسمع منهم واللي فعلا مالوش لازمةخالص . السؤال هو يعني ايه اغنية شعبية؟   الاجابة في رائى اللي علي قدة.هو ان الاغنية الشعبية هي الاغنية التي تمس حال ولاد البلدوالطبقة المتوسطة بمشاكلها وكلماتها العامية المباشرة بجانب ان يكون المطرب المؤدي للغنية يكون منهم علشان يحس بالكلام اللي بيقولة       زي عميد الموال<عبدة الاسكندراني> لما يقول من صغر سني وانا رزقي علي قدي واقول ياعين اصبري واهو كله بيعدي.  عم عبدة الاسكندراني كان بيبيع عجوة.ولكن صوتة احسن صوت وبيقول احلي كلام بيخش القلب            اسمع لة سجان الغرام.الشيطان.موال العشرة.غريب.اليتيم.الام  <منين اجيب قلب في كل الحنان داة منين ياصبرة ياحنينة ياضي نور العين ياحضن دافي حضن قلبي واناابن يومين  لوعشت مليون سنة مقدرش اوفي الدان. اية الكلام الحلو داه   وطبعا هذا المطرب مش معروف للاغلبيه ولكنة اصل الشعبي ويتسمع.  وفي بقي المطربين المعروفين اللي بيقدوا شعبي مثل عم محمد طة اللة يرحمة بكلامة الحلو اسمع لة قصة شلبانة.وفي محمد العزبي. وحكيم بردة لونة شعبي معروف<الكلام داة الكلام داة كبير الكلام داة اوعي يكون الاخير. والسلام عليكم والو طمني عليك.           وطبعاماننساش عمنا الكبير عدوية بصوتة الحلو اللي فية بحة حزن علي راي الاستاذ عبد الوهاب .واسمع لة اغراب يادنيا من الصغر للشيبة اغرب يادنيا وطال بينا الغيبة.وعطشان وصبح الصباح.وربيت ولادي في شبابي وربنا عني ولما كبروا ياعيني كلهم بعدوا عني اقول اية ولا اية محتاج كتب تتكلم علي عدوية  وابنة محمد عدوية بيغني حلو بردة         .           المهم ارجع بكم وراء شوية واول من لمع في الاغنية الشعبية كان اسمة< انور العسكري> وهو من الدرب الاحمر وله اغنية مشهورة   <غزالة مع الدالال>       

طبعا الموضوع كبير ولة كمالة ان شاء اللة بس بسرعة كده اقول لكم بعض من المطربين الجداد والكلمات اللي بيقولوها وللاسف مش قد كدة اسمع الكلام اللي بيتقال   < سواح وماشي باكل بصارة زي الهوا فراقك ياجارة>  بلاش غرور انت يااحلي بوتة كلمني نانا نانا ياكوتة كوتة  < ابجني تجدني وكمان تسعدني  خلصت مصلحتك  احلق لي وسبني> وريني فلوسك وانا اهش نموسك وارقص لك بلدي وانزلك ابوسك  .امن لي جيوبي كتكون محبوبي وحقلدلك نانسي وهيفاء وكمان روبي           <مصر هي عمي خيرها جوة فمي>         وسعد الصغير بيقول بحبك ياحمار والعنب              عماد بعرور بيغني   ايظن            واحد اسمه  حامد عبدة بيقول  <ارجع لكم داة بعدكم>  رضا البحيري  <زمن الوحوش>           نحتمها اليوم بالمطرب اللي مش معروب خالص اسمه  احمد  شبة  يعني اسمة يشبه بردة بيغني اقوي من الوحوش اسيبكم بقي مع عم شبه ولنا لقاء تاني مع شعبولا وعبد الباسط وطارق الشيخ والست رحيمة العجمي   <حغني واديني بريزه دا صوتي مسمع للجيزه>    الي القاء سم سم