بسم اللة الرحمن الرحيم   

 في مصر بس 2  

   مساءالخيرات عليكم واتمني من كل قلبي يكون فعلا في خير علي الكل وعلي رأي شعبلوا كوارثنا زادت كارثة والوضع شكلة خطير قال يعني كانت ناقصة انفلوانزا الخنازير استرها يارب  .المهم معاكم انا تاني علشان ارغي شوية علي السلبيات الموجودة عندنا في مصر وزي ماقلت احنا بس اللي نتكلم علي عيوبنا أأملا في الاصلاح ومنحبش حد مش مصري ينتقدنا.     واحنا اللي بدأنا العركة وأحنا اللي عملنا التكة نخش في الموضوع من غير مااقول كلام يجرح ولاحتي ممنوع                           في مصر بس                     

  1

-تجد شارع حيوي جدا في قلب القاهرة يزورة السياح يوميا تجدة وقد احتلتة عربيات الشرطة من جانب لانة جمب مديرية الامن والجنب التاني عاملينة مقلب زبالة هو شارع احمد ماهر في باب الخلق                          

   2

-في مصر بس وزير زراعة سابق يسرطن الشعب ثم يرشحة الحزب الحاكم في انتخابات مجلس الشعب  

3

-في مصر بس تري رجلا عريضا يقف تحت الكوبري ووجهة للحائط وظهرة للشارع بيعمل زي الناس     

 4

-في مصر بس تجد سواق الاتوبيس ماسك كوباية شاي وهو سايق كمان بيدي باقي التذكرة لراكب وفي نفس الوقت بيلاغي وبيرغي مع واحدة راكبة    

     5

-في مصر بس بولاقان بولاق ابو العلا وبولاق الدكرور     

      6

-في مصر بس تجد كل اصحاب محلات الموبليا في شارع محمد علي فارشين كل بضاعتهم من اوض نوم وسفره وانتريهات كلة علي الرصيف يامعلم واياك اي مواطن يقدر يلمس حاجة المعلمين دول خلقهم ضيق عندك نص الشارع امشي فية وانشالاة تشيلك عربية   

  6

-في مصر بس تجد واحد طلعت في دماغة يعمل مطب صناعي قدام محلة المشكلة مش في المطب المشكلة انة مابيعرفش يعمل مطب        7

-في مصر بس عندما تجد صورة لرجل محترم علي أفيش كبير وجمب صورتة واسمة مكتوب  رمز   العجلة  

8

- بس بردة في مصر بس فيها اولياء الله الصالحين وفيها احلي صوت ادان جاي من كذا جامع

9

-وفي مصر بس احلي رمضان وموائد الرحمن والسيدة والحسين    وان شاء اللة كلة يرجع حلو تاني بالرغم ان الناس الحلوة قلت والقسوة خدت ماخلت ومراكب الحب حلت وفاتتنا محرومين        ليلتكم كلها أمل وحب وخير وتصبحوا علي خير

 سم سم