بسم اللة الرحمن الرحيم   

      _     نجوم الزمن الجميل      -     

  تاني تاني تاني رجعنا للكتابة من تاني ومن تاني بارسل احلي تحية وسلام ومحبه لكل حبايبناو حبايب حبايبنا وانا وانت.    بيقول الحب بهدلة خلاني اندلة  ,الحب لية غدار بقي هي دية مجدعة  خلاني ليل ونهار عنية مدمعة            وتزيد علي النار أأكل مسقعة داة الحب قندلة قندلة طيب  يلا يلا يلا         طبعا داه كان منلوج للعظيم < اسماعيل يس >وشكوكو من فيلم قلبي دليلي والسبب لذكر هذا المنولوج هوانني قلت اكتب المرة ديةعن نجوم الزمن والفن الجميل اللي ياما ومازالوا يمتعونا بافلامهم التي لا تعوض وبفنهم الراقي التلقائي المبدع  ومنهم علي سبيل المثال لا الحصر        حبيب قلبي  سمعة اسماعيل يس –عبد الفتاح القصري-شكوكو-رياض القصبجي الشاويش عطية-استيفان روستي-نجيب الريحاني-سليمان بيه نجيب-عبدالسلام النابلسي-زينات صدقي-فريد شوقي-محمود المليجي-فوأدالمهندس-عبد المنعم مدبولي-عبدالمنعم ابراهيم-ابراهيم سعفان-محمد رضا-محمد عوض-ونجوم ساعة لقلبك وغيرهم كثيرون وطبعا انا معنديش المعلومات الكافية ولا القدرةعلي كتابة تاريخ كل نجم من هولاء النجوم ولكن ساحاول استعرض بسرعةكدةنبذة عن بعضهم واهم اعمالهم وقفشاتهم التي لا تنسي.            يعني اسماعيل يس ابن مدينة السويس والذي بدأحياتة كمنولوجست وموادي للاغاني الحفيفة وبعدين امتعنا كممثل بدمة الخفيف قوي وله الكثير من الافلام التي تحمل اسمه وكغيرة من زملائة مات فقيرا  اللة يرحمة.             مين فينا ينسي لما كان في طيارةمع الشاويش عطيةوبيحاول ينزل بيقولولو النزول سليم ارفع العصاية  يقول العصايه  عصاية عليك يارب  يامة العصايا  وجنبة الشاويش عطيةبيقول يارب موتني مخنوق موتني متقطع بس متموتنيش مع الغبي دة.داه كان اسماعيل يس في الطيران            والشاويش عطية لما كان عايزيدخلة مستشفي المجانين قاعد معاه علي القهوة بيقول لة شوف ياحسونة انت عارف انا باحبك قوي واللقمة لو كانت في بقي اطلعها واديها لك يرد علية سمعة يقولوا في بقك لتك القرف  .    وفي اسماعيل يس في الاسطول كان بيبيع سمك وبيشرح لواحدة انواع السمك داة بلطي-وداة مرجان –وداه بوري –جاء علي نوع مش عارفة قال لها داة داة  سمك    , وفي ابن حميدو بيقول لحسن اتلة فتشني فتش  والنبي فتش.  وفي فيلم المليونير ومنولوج العقلاءوسع من وش العقلاءواء واء ارط فرمل ياسواق واء واء خشي يانحلة من البلكون اربط ياغراب الببيون لحسن اهوجة نابليون  وفي نفس الفيلم  لما استيفان روستي دخل لة من البلكونة هو وشلة القمار قالة هو هو انت داخل عقلك تضحك علي ذكي بشكهاانت مش قد ذكي بشكها انت مش حمل ذكي بشكها قالوا سمعه اهة ياخويا بشكها وفرقها وفنطها تلعب سيف اه سيف  يارب 9 استكوزا استكيزاوانا مالي ياخويا. ولا في الاسطول بردة ومخالي شل- ونمرتك علي المركب بوروروم ياعسكري  .ولة فليم لذيذ قوي اسمة المليونير الفقير كان مفروض انة بيشتغل بالفلوس الي علية لاستيفان روستي مدير الفندق وكل شغلانة يعملها يبوذها استيفان روستي يقوله انت ماتنفعش في اي حاجة يقوله ارفدني  يرد يقول له والفلوس الي عليك يقوله سمعه استحمل     .اقول ايه تاني عندة حاجات كتيرة قوي في بيت الاشباح بيقولو لة انت بطل قال بطل اخضر  .وكان بيقول داة ابني حتة من بقي .والخواجة بيجو قالوا خليك ماسك في الفرشةالي في السقف عقبال مااروح ادهن الهرم واجي قام دش وقع علي الارض.      ولما حسن حامد ضربة بدل محمدفوزي  قال انا مالي يا خويا عرقت كدة لية  روح الله يخرب بيتك انت بيأكلوك حديد   .بجد محتاج ساعات وساعات علشان اتكلم علي حلاوه وجمال وخفة دم اسماعيل يس اسبكم  مع فايزة احمد كانت بتغني له  ياحلاوتك ياجمالاك خليت للحلوين اية  .ياسلام سلم  اراكم علي خير  سم سم