بسم الله الرحمن الرحيم   

 نجوم الفن الجميل   4 

  مساء الجمال واللحمة الضاني والبتلو والكندوز  والعجالي   يعني الكفتة الجملي والفتة والعكوة والكوارع  وفواكة اللحوم والكبدة والكرشة والفشة والمنبار ولحمة الرأس ولية الخروف اللي قال اخر ماء ءءءء  لية بعد صلاة العيد وبعدين أندبح كل عام وانتم بخير بمناسبة عيد الاضحي المبارك اعادة اللة علينا باليمن والبركات .دخلت انا كدة دخلة دسمة وكلها دهن والتهنئة بالعيد جاءت متأخرة شوية علشان انا كنت في اجازة المهم مساء مسكر وكلة حركات عليكم    .                                  

(أنا مش قصير أوزعة أنا طويل وأهبل)   عبد المنعم مدبولي كان طالع دكتور نفساني في الفيلم وقال للراجل القصير قول الجملة دية علي طول حتلاقي نفسك طولت لوحدك.داة نجمنا الكبير عم مدبولي واحد نجوم الزمن الجميل ومعاة نجم قادر ان يضحكك في اي وقت بتمثيلة وعندما يستعمل صدرة ومؤخرتة وكعوب رجلية وصاحب البرنامج الاذاعي كلمتين وبس هو فؤاد المهندس السكرة      قال الحلوة اتكلمت الماكينة طلعت قماش طلعت قماش في فيلم عائلة زيزي وامتعنا في شنبو في المصيدة ومستر اكس وكان عامل دويتو حلو مع مراتة شويكار. وطبعا هو من نجوم ساعة لقلبك الله يرحمة فقد امتعنا كثيرأ وكان معة في ساعة لقلبك الخواجة بيجو في فيلم اسماعيل يس في مستشفي المجانين كان طالع مجنون وجايب صندوق خشب كانة كاميرا وكان عامل فيها مخرج بيقول للراجل اللي مفروض انة ممثل  البوليس حيضرب عليك نار متخفش اهرب قالوا نار قال ايوه البوليس حيضرب عليك نار اهرب . وفي ساعة لقلبك كانت معاهم خيرية احمد <وبتحبني يامحمود> يعني ناس زي الفل اللي احنا بنتكلم عنهم دلوقتي والنهاردة نخلص بقي موضوع نجوم الزمن الجميل وزي ماذكرت انا ناسي ناس كتير كلهم نجوم بس الموضوع اكبر من دماغي علي فكرة في اغنية اسمها سلامتيك  يادماغي.     المهم مين فينا ينسي علي الكسار وسلفني 3 جنية وشخصية عبد الباسط الرجل البسيط الطيب. كمان عماد حمدي وبيقولوا كان بشتمرجي قبل مايبقي ممثل وكان له كلمة مشهورة اية يانانة .كان في كمان محمود فرج وبسبب قوة جسمة انحسر في ادوار الشر والفتونة والضرب بس لة دور لذيذ قوي كان طالع بدور عفريت طلع لسماعيل يس من الفانوس قالة انا عفريت من الجن الاحمر يرد علية سمعه يقولوا ياتري أحمر سادة ولا مقلم اضايق الجن قالة انت بتتريق علي يامصطفي قال لا واللة انا شغال في محل قماش ولساني واخدي علي اللغة دية داة كان في الفانوس السحري.حسن يوسف كان الواد الشقي ابو بكر عزت الواد الظريف ومحمد رضا اشهر من ادي دور المعلم وابن البلد ولة مسلسل شهير <حنفي الونش> وكان معاة شلة زس العسل تملي تطلع معاة زي سيد زيان عبد السلام محمد وصفاء ابو السعود.باختصاركدة اقول ان مصر من اكثر الشعوب حظا في انتاج المضحكين والنجوم ومصر العظيمة كان لها في كل جيل عشرات النجوم من الجيل القديم زي أمين الهنيدي ومحمد عوض وكمال الشناوي وحسين صدقي وفاخر فاخر ومديحة يسري وامينة رزق  وبشارة واكيم وبدر الدين جمجوم وسمير وجورج والعظيم الضيف احمد كانوا احلي ثلاثي.عمري منسي شكري سرحان ابن النيل واللص والكلاب قال فية انا حلبس لهم جلد التعبان علشان محدش يعرفني.كمان  محسن سرحان وفي ماري منيب اتفرج لها علي حماتي ملاك+الحموات الفاتنات بتقول انا انا مدوباهم اتنين . رشدي اباظة كان معلم بالرقص بالعصايةزوصلاح ذو الفقار كان ظابط شرطة قبل مايتجة للفن وصلاح قابيل والسندرلا سعاد حسني. عمر الحريري ويحيي شاهين وحسن مصطفي ياروحي ياروحي.كمان احمد رمزي الرياضي ابو دم خفيف كان تملي يفتح قميصة ويبين صدره . مين ينسي حسن فايق وضحكتة الحلوة في فيلم ام رتيبة كان طالع صاحب معمل طرشي بيقول لماري منيب  داة انا أخلل لك قلبي داة انا حأغرقك طرشي حاشبعك طرشي  حخليكي تستحمي بمية الدقة .شايفين الملاغية الحدقة عالية قوي.من الجيل الحالي محمود عبد العزيز غني للقفة في فيلم الكيف وماتيجي تاني في الدور التحتاني نأكل لحمة ضاني ونحلي بسوداني ولا فيلم الكت كات ناس كتير قوي سعيد صالح يونس شلبي احمد زكي والزعيم عادل امام تاريخة يغني عن الكلام  ياحسني ياحسني حاسب اوعي تبوسني .واوعي تنسي حسن حسني ونور الشريف ومحمود ياسين خلاص ياحبايب انا قفلت معايا علي كدة ولو كنت نسيت حد اعذروني وسمعني سلام صعبة علي نسي علشان اعيط                     ارأكم علي خير وتصبحوا علي خير  

       سم سم