بسم اللة الرحمن الرحيم      

شعبيات ومطربيين

   انا شايف الارض بتتمخطر تحت الخلخال ماتبطل تمشي بحنية ليقوم زلزال ليقوم زلزال ليقوم زلزال  مساء الطرب الشعبي الحلو الاصيل.والنهاردة حكمل معكم مابداتة المرة السابقة عن  <الاغنية الشعبية ومطربيها>بس النهاردة حتكلم علي المطربين الاصليين يعني الشعبي اللي علي حق مش اللي مضروب زي بتاع مطربيين اليومين دول.  وكل الاغاني اللي حذكرها بمطربيها مازالت ماثرة وماصالة في وجدان شعبينا المصري          وفي البداية احب اشكر دكتورنا واخونا الكبير د.حمدي مصطفي لانه فكرني ولفت نظري علي تاريخ عمنا الكبير الاستاذ محمد عبد المطلب ومدي تاثيرة في رقي وانتشار الاغنية الشعبية   اكيد   مين فينا ينسي ودع هواك وانساه وانساني عمر اللي فات ماحيرجع تاني         ولا ياحاسدين الناس مالكم ومال الناس-وساكن في حي السيدة وحبيبي ساكن في الحسين علي فكرة علشان تروح من السيدة للحسين لازم تركب اتوبيس 2 بتاع المطبعة-الدراسة اوخد تاكس.        ماننساش كمان السبت فات والحد فات وبعد بكرة يوم التلات ماعاد حبيبي.ومابيسالش علي ابدا والله محتاجين وقت كتير لكي نتكلم علي عبد المطلب الله يرحمه   .كمان من ابدع في الشعبي بكلماتة العسل المعبرة  <محمد قنديل> ياريحين الغورية هاتوا لحبيبي هدية_وبيين شاطين ومية عشقتهم عينية         <نجيب سيرة كمان استاذنا  < كارم محمود>  والنبي ياجميل حوش عني هواك داة انا قلبي عليل ودواة وياك.كمان  مقدرش انس المطرب والمونولوجست وابو دم خفيف وابن البلد وصاحب اشهر طاقية معوجه علي جنب ابن منطقة الكحكين في الدرب الاحمر العظيم  )شكوكو)وكل كلام غناه او قاله في مونولوج شعبي شعبي.      كمان الكحلاوي وكن شقي وهو صغير وكان عامل قلق في عماد الدين ولكن الهداية كانت من عند الله وبعد كده ابكانا في مدحة للرسول علية الصلاة والسلام حب الرسول يابا دوبني دوب.       وفي عبده السروجي ومين ينسي لة غريب الدار-وانية حزينة اسمها غنيت علي عودي.  ياعيني   في كمان  <عبد العزيز محمود>   يامزوق ياورد   -ومنديل الحلو والقطر مالة اتاخر لية –ولمين هواك  ماعرفش  -وانا كمان معرفش والله     و<عبد الغني السيد>   بايعني ولا شاريني- ورائعتة   البيض الاماره والسمر الحيارة      وكان في بردة <الشيخ امام> الراجل الثورجي اسمع لة  فول-حلو المراكب-كلمتين          .ومين فينا يقدر ينسي مطرب امونة بعتله جواب امونة ولا سالت في  -ولا شيخ البلد خلف ولد يافرحتة بخلفتة –ولا موال الخسيس اللي قال للاصيل تعالي اشتغل عندنا خدام عرفتوة طبعا    عم شفشق  < شفيق جلال  > السكرة                  .بستاذن الاستاذ عمار الشريعي اللي لة برنامج حلو قوي في الاذاعة المصرية اسمة غواص في بحر النغم وفي البرنامج داة بيحلل كلمات الاغاني كلمة كلمة بستاذنة اني اقلدة في تحليل كلمات اغاني المطرب حبيب قلبي  صاحب اغنية   علي الرملة  -وكعب الغزال يامحني بدم الغزال  و-عدوية وطاير ياهوي وجدعان حارنا  وصياد ورحت اصتاد صادوني   -وطاير ياهوي    معانا الاستاذ< محمد رشدي> اللة يرحمة اسمع كلمات الاغنية دية بيقول فيها ايه.         لسة الدمعة جارية محفورة في الملامح والدنيا لسة بايعة مش عايزة يوم تصالح    .اقول اية الجمال والحلاوة دية واي جمجمة صاحية كتبت الكلام المؤثر داه                        يعني مش محتاج ادي امثله اكتر من هؤلاء العباقرة اللي فعلا امتعونا بفنهم الشعبي الراقي وبالرغم من انني كنت مش عايز اجيب سيرة اي حد من المطربيين   اللي كدة وكدة يعني بصراحة ملهمش لازمة ومكنتش عايز اذكر حد منهم في موضوعي اليوم بس معلش.        اللي بيغني  اغنية سمعني ذئاب الجبل ديب ديب  اسمة  محمود  سعد  . واحد تاني اسمة  سعيد الهوي  بيغني    المعلم  ظاظا  واخيرا         المطرب    <  علي  وزة  > وصلي صلي  هيصة      وعلي فكرة علي وزة داة     سوقة هبط قوي لما جاء موضوع الفلونزا الطيور       استرها معانا يارب اراكم  علي خير             سم سم