بسم الله الرحمن الرحيم

الشخصية المصرية

انسي وخليك ريلكس وابعت للدنيا فاكس..دية دنيا شقينا فيها اتاريها ماشية عكس.صباح كل شي حلو علي عيونكم جميعا.اكتب اليوم عن موضوع شدني ولة علاقة بالدخلة دية. الموضوع هو التغيرات التي طرات علي شخصية الانسان المصري والتغير في بعض سلوكة وطباعه ومعلش انا باذكر العيوب التي طرأت علينا املاا في الاصلاح والتغير للاحسن وكطبيعتنا كمصريين ننقد انفسنا ولا نحب احد مش مصري ينقدنا ماشي يامعلم.اغلب المصريين ومش كلهم كل واحد مش طايق نفسة وبيثور علي اتفة الاسباب يعني عصبي المزاج والسلوك بقي عدواني شوية والصوت بقي عالي قوي.قلة الشهامة في الشارع المصري يعني لو في خناقة نسمع- سبهم يولعوا  -اوتسمع علي الله يقطعوا بعض-الفهلوة زادت قوي تسمع الشباب يقول لازم نشفر الواقع يعني خليك في التوهان احسن.كتير منا بيتكلم اكتر مابيسمع يعني عمال يرسل يرسل ومفيش استقبال   .شعارنا دائمامعرفش اقول معرفش بمعني خبراء في كل شي وسبع صنايع والبخت ضايع ولو حد سال علي اي شي اوعنوان ماتقدرش تنطقها وتقول معرفش تبقي مش مصري.والحب داة مدرسة وانا في المحبة لذيذ انا المدير والكتب والفصل والتلاميذ ياعيني علي الكلام الكبير قوي. اللي عايز اقوله ان التغيرات دية انا لمستها في الناس في القاهرة وفي رائي داه كلة لةاسباب وعوامل اقتصادية وان اغلب الناس اصبحوا مشغوليين عن بعضهم كلة بيجري وراء لقمة العيش .ممكن كمان يكون بسبب انهيار نظام التعليم في مصر خريجي الجامعات ابيض ياورد من الثقافة .عدم الولاء نتيجة شعور المواطن بالقهر والظلم . وحاجة مهمه ان الناس محرومه من الطبطبة بمعني  ان حد يلاقي حد يطبطب علية ويواسية وان الناس تحن علي بعضها وتحب بعضها لكي يرجع الذوق العام واحترام الكبير ويرجع المصري مصري في الشهامة والجدعنة اخر الكلام   انسي واياك تفكر واديها الطرشة اكتر               سم سم