ضد الغباء

قررت جمعية مواطنون ضد الغباء علي نشر أعضائها في الأماكن العامة والمدارس والمستشفيات

والجامعات والنوادي وكل اماكن المحروصة

وذلك لمراقبة تصرفات وأفعال المواطنين وإتهام المخالفين منهم بالغباء

ولذلك تعلن الجمعية عن حاجاتها لأعضاء جدد

تتوافر فيهم الشروط التالية

1) أن يكون ضخم الجُثة عريض المنكبين سليط السان أقصد ( فصيح السان )

2) حاد الذكاء وذلك علي أن يكون حافظ جدول الضرب

بأكمله باستخدام  وبدون إستخدام الأت الحادة

3) قوي الملاحظة عنده القدرة علي التمييز بين الشئ والشئ الأخر

4) حَسن المظهر يرتدي الزي الرسمي ( شورت وفانلة وكاب وشبشب بصُباع)

5) يجيد أكثر من لغة (صعيدى دُمياطي بُورسعيدي مصراوي وهكذا)

6) حسن التصرف في المواقف البايخة الكتيرة اللي هتقابله

7) يمتاز باللياقة والخفة عن الجري من الأغبياء

يارب توب علينا

الناس ماعدِش عارفة تعمل إيه

وعشان كده قررت أعمل جمعية إسمها مواطنون ضد مواطنون ضد الغباء

وبرده هنشر أعضئها في نفس الأماكن اللي موجود فيها أعضاء مواطنون ضد الغباء

علشان لما واحد فيهم يقول لحد ياغبي يرد عليه العضو بتعنا يقوله ياقليل الأدب ياوحِش!!!

وقبل ماأنسي الجمعة اللي فاتت كان في ناس بتتكلم بصوت عالي ساعة الصلاة وبتهزر وتضحك

ومزاجها عال طبعا عارفين نفسهم اللي قاعدين في أوضة الستات في الجناح اليماني

علشان كده أنا إتصلت بصحبي رئيس مجلس إدارة مواطنون ضد الغباء يبعتلنا كام عضو من اللي إديهم

تقيلة نوزعهم علي الجامع ودول مبيهمهُمش لا حِزام بُني ولا خزمة بوردة؟