الليلة ياعُمدة

 طبعا الكل شاف فيلم الزوجة التانية وشاف العُمدة وبجحته وهو بيتوضي

وإيده راحه وجايه في إتجهات غلط خالص

ولا شيخ القرية اللي بيحلل ويحرم علي هوي العُمدة وواخد دليله من القرأن

لما بيقول لعليوة وأطيعو الله ورسوله وأُلي اللأمر منكم

طلق ياعليوه!

وعايزه يطلق مِراته علشان العُمدة عايز كده بإعتباره أولي الأمر

وفي الحقيقة إن المُزة عجبت العُمدة وعايز يتجوزها وتبقي الزوجه التانية وهو ده مربط الفرس

الزوجه التانيه

لأن في إشاعه في لينز بين الرجاله عايزين يتجوزو مرة تانيه وأنا بصراحه

صِعب عليا الستات وقلت لا وألف لا دول أخوتنا ولازم أقول لهم علشان

يعملو إحطياطات أمن لهم ويخدو بالهم

طبعا الرجاله هتقوم عليا بهجوم حاد بس انا ولا يهمني وهيقولو إنت بطلع أسرارنا

بره برده ولا يهمني أنا لسه ضارب خمس رجاله الأسبوع اللي فات

أنا كل اللي يهمني الستات اللي قاعده في بيوتها ومطمنه علي الأخر إن رجالتهم

ميه ميه مش هيبصو لبره وعلي رأي المثل

يامأمنه للرجال هتخدي صابونه إنتي والعيال

والست اللي عايزه تعرف جوزها عايز يتجوز عليها ولا لا ممكن تدخل علي موقع

دبليو دبليو دبليو.الزوجة التانية.كوم

يلا خليها تولع قبل الأجازة والعكننه تبقي للركب

بقي إنتو عايزين تتجوزو مرة تانية  وأنا مش هقدر أعملها؟

وعملين زي شيخ البلد عمال يحلل ويحرم علي هوي العمدة

كده بقي أنا خبطت في الحلل علي الإخر وبقيت مطلوب حيا أو ميتا من الستات والرجاله

وبطلب الحِمايه فياريت من السيد المشرف العام علي الصفحه يشيل الكلمه اللي حطتها في وش

الصفحه وناقص يحلف تلاتين طلاق إنه ملوش دعوه باللي بيتنشر ويتوصط لي عند الأخ

أبو حِزام بني إنه يتعن عندي بودي جارد وأنا مليش بركه إلا هو هروقه

قفي علي الماشي وشلوط قبل الأكل وروسيه بعد الاكل يعني مش هخلي نفسه في حاجه

وإنتو عارفين إن أنا مش بخيل

بس يجيب معاه الحِزام الأمر ميسلمش جايز أحتاح حد يرقص شويه

ولا البنطلون يسلت تبقي فضايح