الديك الشركسي

طبعا كلنا عارفين إه هو الديك الشركسي وعارفين بيعمل إيه لما يشوف فرخه ماشية تدلع أودامه

ويسلام لو الفرخة دي مؤهلتها عالية ومدلعه نفسها

تلاقو الديك أفندي نفش ريشه ورفع صدره لإودام ومشي علي طراطيف صوابعه قال يعني

ديك ماجبتوش بيضة

بس عادي الموضوع ده بيحصل في أحسن العشش وعلي أي سطح اللي مش عادي إن الديك ده

 يعمل العملية دي علي الديوك وتلاقيه ماشي في وسطهم وقرفان منهم وخايف حد يلمسه

قال يعني سبع تمن ديوك في بعضهم

 وإلأدهي وأمر إنه يكون أصله فرخة وعمل ديك علي الديوك نفسهم

مثلا زي ماشُفنا في الأزمة الأخيرة بتاعة غزة شوية فراخ عملو علي مصر ديوك من غير إحم ولا دستور

وقال إيه في إديهم الحل والربط نسيو إن مصر هي اللي عملتهم ديوك ولما حسو بشوية ضعف

حبو ينفشو ريشهم بس علي مين العشة لسه مليانة ديوك وإسمعو الحتة دي

لا تأسف علي غدر الزمان

فلطالما رقصت علي جثث الأسودُ كلابُ

لا تحسبها برقصها تعلو علي أسيادها

فتبقي الأسود أسود والكلابُ كلابُ