الأسبوع ده هنخليها أخبار خفيفة

أنا لسه تايب الأسبوع اللي فات ومش عايز أرجع في التوبة ولا عايز أتكلم

علي حد إنتو عارفين الكلام علي الناس حرام

بس في خبر واحد تعبني ومطير النوم من عيني عايز أقولهلكم

وأخلص ضميري والخبر بيقول

فرخة جلها مرض إتقلبت ديك

والخبر ده حقيقي ولسه مش عارفين ليه وفين وإزاي

من الأخر كده لو حضرتك إشتريت جوز ديوك هتمسكهم في إيدك وتغني لهم

قولي ولا تخبيش يازين     إنتو فراخ ولا ديكين.

المشكلة الحقيقية مش في الفراخ ولا الديوك المشكلة إن المرض لو إتنقل للناس

يعني ممكن الواحد يكون نايم في أمان الله ويصحي يلاقي نفسه لابس قميص نوم

وشعره منكوش وفي حد لابس بيجامه ونايم جنبه وأه لو العملية مشعشعه هيبقي

الضرب بالسكاكين{ وأنا لاأقبل وعلي جُستي}

أنا قلتلكم وكل واحد يخلي باله من لغاليغُه واللي هيضيع لغلُوغه ملناش دعوه!

عُد ولا تخف

علي مااتذكر والله أعلم كان فيه واحد معانا بيكتب علي الصفحه إسمه م م ومش عايز يكتب إسمه الحقيقي

وقال هيروح يحج ويعلن إسمه والظاهر والعلم عند الله إن الحج لسه مخلصش

لدرج إني فكرت أركب الناقه وأشرخ الي بلاد الشام أشوف بنفسي إيه الموضوع ده

وبدأت في التجيز الي ان وصلني انه يوجد قُطاع طرق يستولو علي القوافل القادمه من بلاد الفِرنجه

وفكرت طويلا قلت أرسله رِساله في رجل عصفورة وأرسلت العبيد لإحضار الكاتب

والقلم الكوبيا وشِخص اخرلكي يخرج لسانه  وكتبت له

من عبد الله بن المفقع الي م م

ياتري ياوحشني بتشرب فيتامين

جائزه الحاج طلبه لحفظ للقرأن الكريم

قد تم الإحتفال يوم السبت الماضي بأخواتنا حفظه القرأن الكريم بارك الله فيهم وعليهم

وجلهم من النساء العابدات القنتات الحفظات لحدود الله.

وقد حضر الإحتفال لفيف من أبناءل الجالية بلينز{ولفيف جاية من لفه}  حيث وزعت الجوائز عليهُن المُقدمه هدية من الحاج طلبه وحرمه جعلها الله في ميزان حسناتِهم

{بس متخدوش عليها مش كل ماتحفظو أيه تقولو فين الجوائز}

{وبالنسبه للحاج طلبه لصقت فيك يامعلم يعني كل ماتنزل مصر تجبلك شويه جوائز وإنت جاي

ولا تقول جاي جاي}

راح ورجع تاني

حبيبنا صلاح رجع تاني يدير المول بتاعه بعد مإستريحنا منه شويه وبقول إنه عامل

تخفيضات هايلة علي كل البضاعه{اللي في المحل اللي جانبه}

وكفاية عليكم كده الأسبوع ده