|
فرقة صاعقه
يأمه ياحبيبتي وحشتيني غيابي والله علي
عيني
شوفتي يأمه اللي حصل لي
رُحت الجيش وقالولي هدخل فرقة صاعقه
هتفُط تِنُط زي القرد علي الجَبَلايه
ودِب الأرض تِطلع ميه للحُمايه
وتعدي البحر بشرط هدومك تطلع ناشفه
وتقول للغوله عينك حمره من غير رعشه
من غير مأحس لقيت الدم بيهرب مني
وركبي إتهزت وكأن الأرض مش هتشلني
ولوني إتحول مش للأحمر ده للبُني
ولقيت الكلمه تتطلع مني من غير مأدري
انا يخدوني فرقه صاعقه
يادي الخِبه يادي الحُرقه
د أنا لما أجري ... ركبي تلف زي التعبان
وأنهج وأعرق واللي. يشوفني يقول خلصان
جِيت أتكلم سمعت.. رعد يقول حيوان
أُقف ثابت وتتكلم بستإذان
كشيت في هدومي وكأني فار في الشتا سقعان
مش قادر أتنفس وكأني جوه النيل غطسان
والهم ركبني... والمستور شكله هيبان
أنا يخدوني فرقه صاعقه
يادي الخِبه يادي الحُرقه
ورعد يقول إتحرك يلا إنت وهوه
شد الهِِمه شِد القوه
الصاعقه الصاعقه للشُجعان
والجيش الجيش يصنع إنسان
والعار العار لكل جبان
ولقتني بفُُط وأنُط زي القرد علي الجبلايه
وبطير في الجو.. زي النسر والحِدايه
وبزحف علي الأرض. وكإن السبع بيجري
وَرَايه
ولقتني بقول............
الصاعقه الصاعقه للشُجعان
والعار العار لكل جبان
مش هرجع تاني زي زمان
دنا كنت صحيح إنسان غلبان
وبدأت أشمر يأمه كمامي
وبقولك يأمه إوعي تنامي
دنا عندي حكاوي كتيروأغاني
أنا راجع والله واحد تاني
وقولي لأبويه وقولي لإعمامي
انا عايز أتجوز بنت جيراني
هخدها في حُضني وأطير بيها
وأقدر أصونها وأحميها
د أنا خريج الجيش المصري
حافظ الدرس ومش هنساه
من رعد أخويا واللي معاه
الصاعقه الصاعقه للشجعان
والعار العار لكل جبان
|
