الخواجه بيجو

زمان كان الخواجه بيجو يضرب الواحد وبعدين يقوله معليش يا إبني هيا جِت فيك

الخواجه بيجو بتاع الأيام دي يهد البلد علي إللي فيها ويقول أصل أنا عندي شَعرة

ساعة تروح.......وساعة تيجي

شَعرة ديكتاتورية

وفي مرة جتله الشَعرة وعدم رئيس العراق وفي أول أيام عيد الأضحي علشان ديكتاتور

وماش وعدت العملية وقلنا الشعرة جت وأهو إحنا مش مؤدبين والخواجة بيعلمنا الأدب

شَعرة إرهابية

طلع الخواجة علي افغانستان وجاب عليها واطيها تمن الصاروخ اللي بينضرب بتمن

3أو4 قري باللي فيهم وقالك الإرهابيين موجودين في البلد دي

وقتله أكتر من مليون إنسان في كام سنة وبرده عدت مإحنا كتير قوي

بناقص مليون ماهي الشعرة جت

شَعرة شَرعية

وطلع علي الصومال  علشان المحاكم الشرعيه وكمان الصومال بينتج  2.5 كيلو دقيق في السنه

شَعرة الخواجه طلعت عليهم وبرده هد القري علي اللي فيها. وهو في الحقيقة لقي الناس غلابه

وعايشين عيشه تقطع القلب فقالك اخلصهم منها

والله جميلك علي عينا ورسنا من فوق....الشَعرة بقي هنعمل إيه

المره دي قال انا لسه هروح وأجي تاني أما أكمل سخن جنوب السودان علي باقي البلد

وفي الأخر عايز يعتقل رئيس السودان بتهمة مجرم حرب والإبادة الجماعية

اللي إختشو ماتو

ينعل أبو الشَعرة واللي جابو الشَعرة بس لو أعرف الشَعرة دي عماله تروح وتيجي في أي حته مِن الجِته

كنت سبتها علشان متريحوش

واللي نفسي كمان اعرفه الشَعرة اللي جاية علي مين؟

بس اللي عرفتة ومتأكد منه إن كلمة سِر الشعرة

البترول

بس من حرص الخواجة إنه بيغير كلمة السر كل شويه

  مرة حقوق الإنسان وتانيه الحرية وتالته الديموقراطيه

 ورابعة اللإرهاب

وهلُمة جارة