ماااااااااااااااااااااااااء

واحد من اللي معاهم فوس بالكومة ومش عارف يعمل بيهم إيه جاب خروف ذي قرنين أملحين

{أنا مش فاهم يعني إيه قرنين أملحين بس مش مهم} ودبحه بمناسبة شفاء

بنته   جزاه الله  خير الجزاء

بس لما يدخل الخروف من باب كبار الزوار بفندق 5 نجوم ويدبح علي حمام السباحه

يبقي الموضوع فيه كلام تاني؟

انا مش قصدي حاجه وحشه لاسمح الله انا قصدي إن الخروف ده  من أكابر الخِرفان

يدخل من الباب الرئيسي لفندق 5 نجوم ويمشي يتمخطر ويهز الِليه لحد حمام السباحه

متهيألي دي كانت أُمنيته إنه يدخل الفندق ده وبعدين يدبح مش مهم

 ماشي ياعم الخروف هنيالك دخلت فنادق الخمس نجوم

     فكرتني بواحد صحبنا راح يتفسح في القاهره

ووزه الشيطان إنه ينام في فندق من غير نجوم خالص مش 5 ولسه داخل يسأل علي

أوطه فاطيه  سمع موظف الإستعلامات بقول هو فين الحرس اللي هنا  صحبنا ساب الفندق وطلع يجري

وهو مش عارف بيجري ليه من أصله

علي فكره سياده مأجر 150 أوطة{مش الخروف} في الفندق يعني نص الفندق تقريبا يعني بيقعد

   في الأوطة 5 دقايق ويقول اللي معاه يلا نروح أوطة تانيه اصل انا زهقت ويدوبك لس

هيقعد ويقولهم  لالا أنا زهقت يا جماعه يلا نروح اوطه تانيه ويقضي اليوم زهقان

من الأوطة دي للأوطة دي وعلي اليل يكون يا حبه قلبي تعب من الزهق

ينام علي السرير ده شويه وبعدين يزهق يروح ينام علي السرير التاني شوي وهكذي

لِحد ما يطلع النهار يكون زهق خالص

يجبولو الفطار أشكال وألوان يجي ياخد من الطبق ده حاجة ميعجبوش شكل الطبق

يروح للطبق التاني يقرف من شكل الجرسون يروح للطبق التالت يكون تعب

يحلف بالطلاق مهو فاطر

وبطلو أر الناس دي بتتعب مش أونطه

واللي مش عاجبه يعمل خروف جايز حد يحن عليه ويدخله فندق 5 نجوم ولا قرية سياحية

ويدبح يدبح مش مهم أهم حاجه حقق اللي في نفسه

وعل رأي الشاعر

تبعرَرَ المشجُ في البيداء

فلما تفلطحَ المَهجُ قال مااااء

فإنعرت الحفاقصُ في الغناء

وإشرونت المزاجعُ بالهناء

من الأخر كده علشان تفهمو أنا نفسي في طبق بليلة سخن وعليه ملعقة سمنه

بلدي مضروبه من عند صلاح