اللي ما يعرفش يقول عدس

في الأيام الأخيرة كُتر الكلام عن القراءة وعن الكتب والعلم والعلماء والفلسفة وما الي ذلك،

وفي كل قعدة مع الحبايب يتفتح الكلام عن المواضيع دي،

وطبعا انتو عارفين َصحبكم راجل مثقف من الدرجة الأولي، ولسانه لسانين،والحُجة بالحُجة والمنطق بالمنطق،

وأدحنا عارفين بعض وكل واحد بيفوت للتاني،

وفي مرة من المرات قعد معنا واحد غريب ، هو شكله مثقف من الطراز الممتاز ، واتفتح الكلام عن العلم والتعلم والقراءة،

مش الم نفسي وأسكت ، لا إزاي دخلت في الكلام وظهرت الفلسفة والنظريات وإتكلمت عن نظرية دارون{ الإنسان اصله قرد} 

والعاِلم التاني اللي مش عارف إسمه اللي بقول {أنا اشُك إذا انا دبوس} وفتحت علي الرابع،

المهم لفت الإنتباه وبص لي الأخ الغريب بإعجاب والظاهر والله أعلم قال في عقله إن الواد ده جهبذ من الجهابذة،

وبدأ في الكلام معي والسؤال وري التاني وانا أقول في سري ربنا يستر ده صحبنا أخد مقلب فيا،

وبعدين التقيته بقولي انت بتقرأ لأنيس منصور

قولتله طبعا ده صديق شخصي لي بس انا زعلان منه شويه من ساعة ما ألف قصة فاطمه وفضحنا في مصر

وقال فيها إن المصريين اللي في النمسا بيبيعو جرايد وانا كنت قايلهم في مصر إن{ انا مندوب اعلامي وصحفي بالنمسا}

قلت في عقلي ُردله السؤال وقلتله إنت قرأت قصة اللص والكلاب،

رد عليا وقال بس دي مش دي مش لأنيس منصور،

قلتله مأنا عارف دي بتاعت كمال الشناوي وشكري سرحان وشادية{ وشوية كلاب نبحو صوتهم وصدعو دمغنا}

المهم كنت بتمني التليفون يضرب ولا حد يقولي تعالي عايزك في كلمة زي ما بيحصل ديما،

   في اليوم ده ولا حد عبرني

كنت عايز أخلع من المكان ده بأي شكل،لإن شكلي هبقي وحش قوي،وإذا بصحبنا بقولي إيه أخر كتاب قرأته،

وهرشت في دماغي،ده بينه واخد العمليه جد،

قولتله{ الإنسان والنمله}

وده بيتكلم عن ايه

الكتاب عايز يقول إن {الإنسان اصله نمله} إشمعنه دارون طلعُه قرد

وإيه العلاقة بين النمل والإنسان

أولا النمل مخلوق من طين وكمان الإنسان، والنمل بيحب السكر وكذلك الإنسان،وممكن النمله تقرصك قرصه تطلع من دماغك

ومتعرفش تاخد منها حق ولا باطل وكمان الإنسان نفس الوضع، ولسه هكمل الكلام!

وإتحلت المشكلة وجالي تليفون وإستأذنت ومشيت،

ولقني بكلم نفسي ليه الواحد بجد مبيقرأش،وليه الإنسان مصمم يكون جاهل،مع إن مش ممكن يبقي فيه حضارة مع عدم العلم

ومن سعتها قررت ما اكُنش جاهل ولازم أقرأ بقدر المستطاع، ولازم نستفيد من الوقت اللي عمال يضيع من بين إدينة.