الراجل والست هانم

علشان تعرفو إن أنا سابق عصري وأوني (مش حِلل ولا طاسات)

أهي بدأت الأخت العزيزة في ركن المرأة تنقرز في الرجالة

لا وبتقو إن الراجل بيساهم في عمل البيت بإنه يرفع رجليه والزوجة تكنس،

لا يستي بعد كده لما الزوجة تكنس هنرفعلها راية النصر ونكبر كمان

وهي تطبخ وهوا يأكل شفتو قسوة الرجالة المفروض  الراجل يكون رحيم مع

مراته ويسبها تطبخ وترمي الطبخ في الزبالة علشان تستريح

وموضوع العشاء علي الشموع يارجالة حرام عليكم عشو ستاتم علي ضوء الشموع

ماهو أصل في ناس فقريه يكون ربنا مديها النعمة وتنكرها يعني نور الكهربا موجود وملعلع

يقوم الواحد ياكل علي ضوء الشموع وعنيه تدغشش ومايشوفش هو بياكل إية(سترك يارب)

وإيه موضوع الراجل والشهادة الكبيرة بضيع الستات سنين كتيرة علشان تحصل علي الراجل وبعدين

مش عارفه تعمل به إيه(خرطيه للبط) وإخلصي أهو يبقي البط إستفاد

وما الفرق بين الرجل والطقس إنها متعرفش تغير أي حد فيهم للأحسن

والست اللي ماتعرفش تغير جوزها للأحسن تبقي ست...................؟

وعموما الطقس بيشتي ميه والراجل بيشتي فلوس يبقي مين الأحسن؟

وأخير الراجل ديما يبوص لغير ممراته !!ماهو معزور لما يكون كُل اللي بيعمله

مش عاجب مراته حتي الأكل مستخصراه فيه ولو أكله يبقي علي ضوء الشموع

أهو أنا دلوقتي فهمت اللغز بتاع أُغنية أُم كلثوم وهي بتقول

نفسي أندهلك بكلمة متقالتش لحد تاني

بس نفسي هو التاني إتقله إيه؟