رُكن المرأة

والله عال عملت للمرأة ركن علي الصفحة وكمان مزوقُه وعاملُه ورق حائط

ليه كده دنا كنت بحبك ، أهي بدأت بركن وبكرة هتاخُد الصفحه كُلها ومسري هفكرك،

عموما طلما فتحت الصفحة للستات فهذا فُراق بيني وبينك،

وأنا بقي يا ركن المرأة؟ هَهِد المعبد علي اللي فيه وإنت حر

بجد بقي شوية، في الأول بنرحب بالسيدة هرمين وبقول لها مرحبا بكِ في عش الدبابير والمقال بتاعك جميل جدا وموضوعه قيم ومُهم وأهلا بكي معنا علي الصفحة  ويارب ديما للأمام بس فيه حاجة عايز أقولها متتكلميش كتير عن المرأة أصلي بصراحة بتخنق من السيرة دي؟

بس للحق أقول، المرأة هي الأم والأخت والحبيبة والزوجة والإبنة وإن قيل أنها نصف المجتمع فأنا أقول أنها المجتمع كله، ببساطة لأن المرأة أُم الرجلَ إلتصق بها قبل أن يرها

تَربي في أحشائها 9 أشهر(أو 7أو6 مش مهم) وتربع في قلبها باقي العمر

وسلمتة الي إمرأة أخري (زوجة)أنجبت له الإبنة (أوسلمتة الي خالقه برده مش مهم)

فعشقها ورعاها إلي أن كبرت وأنجبت له........الظاهر إن الموضع هيطول وانا معديش صبر علي موضوع الستات ده وكفاية كده ليتنططو؟