شَكلها إتلعبكت

الدنيابقت زي بكرة الصوف لما تتلعبك منك ومتعرفش تلمها محدش بقي عارف الصح من الغلط

ولا الخير من الشر ولا الصاحب من العدو ولا حتي هو علي حق ولا علي باطل كله إتلخبط علي كله

مثلا تلاقي اللي بيدافع عن بلده يقولو عليه إرهابي ومن ناحية تانية تلاقي اللي بيرهب الناس

سواء كان بسلطة ولا مال يبقي باشا وسيد البشوات كمان

ولا تلاقي إصحاب فترة طويلة من الزمن ضحكو ولعبو وأكلو وحكو مع بعض وبقدرة قادر إتقلبو علي بعض مين الغلطان مش مهم المهم فيه لعبكة

حتي الألوان بردة إتلعبكت يطلع واحد  يقولك الموضوع ده خط أحمر وأنا لا أسمح ولا أري

ولكني أتجمل ويطلع الخط اللي أحمر خط أخضر ومسخسخ كمان علي نفسه من الضحك علي مخاليق ربنا

وبمناسبة اللون الأحمرتلاقي في الكورة الأحمر لازم يكسب وهيكسب هيكسب بلعيبه من غير لاعيبه هيكسب لدرجة إن الفرق

التانية لازم تحط أي حاجة حمرة علي لبسها تلاقي مثلا الفانله بيضة بخط أحمر ولا الشراب

إسود ومحمرينُه ولا شارة حمرة إن شالله الاعب يمسك طمطمايه وهو بيلعب أي حاجه حمرة للبركة  يعني جايز ربنا ينفخ في صورتهم

والدين بيفصلوه علي مزاجهم لو ظهرت حاجةعلي حد مش تبعنا يقول قال الله وقال رسول الله صلي الله عليه وسلم  وهذا فسق ورجز من عمل الشيطان والكلام اللي يودي جُنم وبئس

 المصير وإن إتكلمت هل تُجادل في الدين يا أخي وممكن تخرج من الملة

(بس متمشيش إستنة بره)

ولما تيجي نفس الحاجه عليه  ولا علي اللي تبعنا يقولك هذا حلالُ حلالٌ ياأخي وبالدليل من القرأن والسنة

والسياسة وأأأه من السياسة بيلعبونا علي الشناكل بيقولو كلام زي العسل  والفعل يطلع

حامض كربونيك مُركز وإشرب إنت وهو وفي صحتكم بس خلي بالكم من الكنترول ليسحبو الرُخصة

والفن وأهله تسأل الواحده رقصك كان جميل في برنامج هزي يانواعم تقولك الحمد لله د كان توفيق من ربنا وناهيك بقي عن الدخول في التفاصيل التانية والتالتةو,,,,,,,,,,,,,

والأسماء برده إتلعبكت محمود يتقاله حوده وإبرهيم وشهرته بشلة إلي اخ….إلي إخ

وبمناسبة الإسماء وتشابها تصدقو إن سعيد صالح مطلعش أخو مدحت صالح

وكمان عماد حمدي مطلعش برده أخو بليغ حمدي بس في وسط الهيصة دي طلع عبدالله غيث أخو حمدي غيث شفتو الحظ

بس بردة وليكن في النهاية هفضل الخير خير والشر شر والأصيل أصيل والخسيس خسيس

وأدي إحنا شفنا طلع راجل طيب وإسمه برده طيب وقال للغولة ليه عينك حمرة وعلي الهوي

وكل العالم شافو وسمعو رجب طيب أوردغان وهو بيقول لإسرائيل أنتم قتلة الإطفال

رجل في زمن عز فيه الرجال شمعة ظهر نورها في الضلمة

من الأخر قال رسول الله صلي الله عليه وسلم

(الخير في وفي أُمتي الي يوم الدين)