تيت..تيت..تيت

كنت عايز أخدكم معي في الأجازة بس لقيت العملية مُكلفة قلت في عقلي أفرجكُم عليها صوت وصورة

بس للأسف معنديش كاميرا فيديو محدش عنده كاميرا للأجازة الجاية إن شاء الله؟

الإجابة لا طبعا مش مهم

ممكن اوصفها لكم بس مش كُلها كام موقف والسلام

في ليلة من ليالي رمضان وبعد صلاة التراويح نزلت مع واحد صحبي بعربيته نشتري صحور ونتمشي شويه

وفي منطق هادية مُش زحمة كانت ماشية ورانا عربية

اللي سايقها مش عايز يشل ايدة من علي الكلاكس الزُمارة يعني تيت..تيت..تيت تيت

وشغال الله ينور تيت تيت ..تيت..تيت

سألت صحبي هو بيزمر لمين قالي إسأله وأخوكم مكدبش خبر ولقيت نفسي مشدود وقلت طيب

نزلني أسأله وفعلا رُحت لحد العربية التانية وشُفت خير الله ما إجعله خير أُتوبيس قاعد وري الدريكسيون

هارجع تاني وشكلي يبقي زباله لا طبعا!

روحت فعلا وسألته لو سمحت ألاقي مع حضرتك ولاعة؟

المفروض أقوله الاقي مع حضرتك أنبوبة بوتوجاز

لإن اللي زي ده مش ممكن يشيل ولاعة وكل واحد وحجمه

كملنا المشوار ورحنا نشتري فول لزوم السحور ولقيت صاحب المحل معلق يافضه مكتوب عليها

كلو من طيبات ما رزقناكم

سألت صحبي هوالفول والطعمية والبتنجان من طيبات ما رزقناكم طيب نقول إيه علي اللحمة

قالي بس متفكرنيش هو انا كل ما أنسي ألاقي حد يفكرني

وعموما اللي نعرفه أحسن من اللي ما نعرفوش وبطل وش وتعالي أسقيك واحد عصير قصب

من المتوصي عليه أول مادخلت لقيت يافطة تانية مكتوب عليها أية من القرأن الكريم

وسقكم ربكم شرابا طهورا

عايز افتح بُقي بس المحل زحمة زيه زي أي حاجة في مصر ولو إتكلمت مش ضامن أطلع من المحل تاني

بس لقيتني بكلم نفسي هو القصب ده اللي محطوط مكشوف للتراب واللزي منه إنتو عارفين أكيد

شرابا طهورا طبعا لا بس صاحب المخل عايز كده

بس بجد مصر هي مصر بلدنا وعزيزة علينا بكل ما فيها وأنا شخصيا بحس بسعادة لما بكون في الأجازة

وكل أجازة وإنتو طييبين