|
بسم الله الرحمن الرحيم
Donnerstag, 6.
September 2007
الهم مالا سهل الي ما جعلته سهلا.
ورطه
الاخوه الاعزاء\ زوار الموقع
السلام عليكم ورحمه الله وبركاته
اخوكم واقع في ورطه.
اول ما نزلت الصفحه علي النت وكل واحد قال انا هكتب في موضوع معين.
قام اخوكم وعمل زي الناس وقال انا كمان هكتب مقال. وهو عمره ما كتب جواب
طبعا محدش عارف حاجه.
ومرت ايام وايام واخوكم يعصر في دماغه جايز يلاقي حاجه.المهم قعد علي النت
وقعد يدور شمال يمين مش عارف هيكتب في ايه. قلت اكتب في السياسه مع العلم
ان انا مبقراءش الجرايد فكرت شويه وقلت بلاش سياسه انا مبفهمش فيها وعندي
عيال عايزه تربني.بلاش سياسه نشوف حاجه تتانيه بس لاقتها الكوره حلوه
الكوره.
تاني ندور علي اي صفحه فيها كوره واكتب كلمتين ويمشي الموضوع.وفجاءه اكتشف
ان انا والعرضه واحد ده انا مش عارف اللعيبه من بعض.اروح فين واجي منين
وصحبي كل شويه عملت ايه في المقال وانا اقله يعم هي كيميا هيوصلك المقال
قريب.وارجع تاني علي الكمبيوتر وادور كبرت في دماغي وقلت الفن حاجه هايفه
جدا اي حد ممكن يكتب في الفن فيها ايه فلانه رقصت كما يجب ان يكون الرقص
فلان بيخد كام مليون في الفيلم(في ناس كتير جدا تسمع عن المليون ويساءل هو
المليون ده كام يعني ممكن اجيب به كيلو كباب وءازازه كاكوله من الحجم
العائلي) هو ده اكبر حلم عند ربنا يستر.
خلينا في موضوعنا المهم لقيت نفسي هتكلم علي ناس ماعرفهومش ورمضان داخل
علينا وفعلا انا في ورطه حقيقيه مش عارف اقول ايه لصحبي ولا عارف اكتب
حاجه عليها القيمه قلت اعمل زي الناس العباقره وانكش شعري واكركب الاوضه
وشويه كتب هنا وشويه هناك مع شويه سجاير وواحد قهوه ممكن الالهام ينزل عليا
ويفرجها ربنا وفي عز الاندماج
اتفتح الباب ودخلت واحده وشها احمر وعنيها بطئ شرار وقالتلي انت سيبني
بقالك مده كبيره وقاعد علي الكمبيوتر وتاني رزعت الباب ومشيت.
( اعتقد انها كانت مراتي واكتشفت ان الالهام نزل عليها هي مش انا.) مالي
انا ومال الكتابه ماله التلفزيون وشويه لب وكوبايه شاي وحاجه عظمه وماشي
الحال والحمد لله.
لازم ادخل نفسي في الي ماعرفوش ليه صحيح( من دخل فيما لا يعنيه سمع مالا
يرضيه)
المهم تاني ايه الحل قلت لنفسي لازم اءدبك وافضحك واقول لكل الناس علشان
يخدو عظه منك ومحدش يدخل نفسه في الي مايعرفوش.!
وكل سنه وانتو طيبين ويارب دايما رمضان وري رمضان بالفرح والبهجه
امضاء
مورط افندي
|
