|
أم جميل
...
وزوجها بعد التعديل
جاءنى صوته عبر التليفون وبعد السلام والكلام
دخل الزوج فى الموضوع وكان كلامه فى الصميم موضوع
الرجل بيقول كلام يدخل العقول للى عنده خيول وللى واكل فول
الزوج بيوجه رساله لست الكل ولولاده فيها حب كبير
قال كلام حلو وجميل للست أم جميل
وبيقولها وحياة أبننا وبنتنا وكل ماعندنا ليهم فى قلبنا
وحياة الشهر الكريم شهر الصيام والتكبير شهر العباده الكبير
بحلفك بكل هذا وذاك ننسى مشاكلنا ونتلم كلنا فى بيتنا
وشويه عليكى وشويه عليه نقدر نعود لبعض ونتهنا
وكفانا محاكم وكفانا مشاكل وتعالى نتنازل عن القضايا ونتقابل
وبعيدا عن المحاكم انا تحت امرك وامر أولادنا علشان نعيد أمجادنا
والبدايه سوف تكون من طرفى علشان يكون الود مطافنا
وهبطل قاعدة المقاهى وهكون أنسان جديد
وشيطانى وكلامى خلاص مالهوش0
سابونى وراحو بعيد
انا ناوى أرجع تانى أنسان وقلبه كبير
وكلامك دائما فى ودانى عن الشيطان الرجيم
ده انا برده أبو أولادك ياست أم جميل
وعلشان خاطر ولادك هكون أنسان حديد
سامحينى لاجل ولادنا ونبدأ من جديد
وببركة الشهر الكريم أوعدك أكون أنسان أصيل
وانا ليه مين غيرك ياست ام جميل.
خلص كلام الزوج وهو متأثر من الصوم
وربنا بيهدى وبيقبل من كل عاصى يتوب
لأن ربك دايما هو رب قلوب
..
وكل شئ مكتوب
وانا أضم صوتى لصوت هذا الزوج الذى يريد فرصه أخرى مع زوجته وأولاده
ليبدأو من جديد خاصة بعد أن تاب الى الله وترك طريق الشيطان وأصبح طريقه هو
طريق المسجد وقرأة القرأن.
وأتوجه ألى زوجته الست أم جميل كما أراد تسميتها لتعرف من خلال الكلمه
أنها المقصوده.
وأن من يناشدها هو زوجها.
أن تعطيه فرصه بكل الضمانات التى تريدها كما ذكر والشهود الذين تطمئن
اليهم .
فهل تستجيب أم جميل ؟؟؟؟
أم أن رجاء أبو كريم لها وكلامه هيطير ؟؟؟
أخيكم أبو كريم
بيقولكم كل سنه وأنتم طيبين
|
