|
بسم اللة الرحمن الرحيم
امثالنا الشعبية 1
< قال علي رأى المثل >
ادلعي ياعوجة في السنة
السودة-أهي ليلة وفراقها صبح – ابن الوز عوام مال لحمتك مشغتة قال الجزار
معرفة –وعلي قد لحافك مد رجليك.
والي يشيل قربة مخرومة تخر
علي....
ظهرة كنت حاغلط وأقول كلمة تانية
.واتلم المنحوس علي خايب الرجاء
بأمسي عليكم أحلي مسا واليوم
قلت اكتب عن موضوع لة جذور وتاريخ ومرتبط بحياتناكمصريين وعرب الموضوع هو
الامثال العامية الشعبية . والمثل في رأئى المتواضع هو عباره عن جملة
كبرت او صغرت يكفي ذكرها للدلالة علي اشياء كثيرة وهي في الغالب حكمة للعظة
والامثال الشعبية بتترد كتير قوي في الاحاديث وخاصة مع كبار السن والستات
لازم تسمع" قال وعلي رأى المثل" المهم علشان اكتب في الموضوع دة عصرت
الدماغ لافتكر امثلة كثيرة كنت باسمعها من ايام ستي الحاجة بجانب انني
استعنت بكتاب بيتكلم عن الموضوع. نشوف حبة امثلة . ربنا
بيدي البرد علي قد الغطاء-بمعني اللة رؤوف بعبادة . من فاتك فوتة .
اقلب القدرة علي فؤمها تطلع البنت لاومها يعني غالبا البنت بتطلع زي
امها . أربط الحمار زي مايعوز صاحبة .خليك ورأء الكداب لغاية باب
الدار . ادي العيش لخبازة لو ياكل نصة يعني بلاش نفتي في مهن ملناش
فيها . أبريق انكسر وأدي بزبوزة يقال للشي الواضح الذي لايحتاج
لتفسير . أخلص النية وبات في البرية يعني طالما النية صافية متخفش من
حد . أبنك علي ماتربية .الابرة الي فيها خيطين ماتخيطش زي المركب الي
لها ريسين تغرق . أبرد من مية طوبة مية شهر طوبة باردة قوي ولو قلنا فلان
ابرد من مية طوبة يعني في منتهي البرود . صاحب بالين كداب .ابن الهبلة
يعيش اكتر .اتغندري وقولي مقدري يقال لواحدة بتبرر افعلها
باعزار .ارمية البحر يطلع وفي بقة سمكة تقال للحريص المستفيد .ازرع
ابن أدم يقلعك يضرب في انكار الناس للجميل .اضرب الارض تطلع بطيخ يقال
للشى المستحيل . اعزم وأكل العيش نصيب اعمل الي عليك والرزق من
عند اللة .واعمل الطيب وارمية البحر او اعمل المعروف مع اهلة وغير
اهلة .افتكرلك اية يابصلة وكل عضة بدمعة .حلو كدة قوي النهاردة واختمها
ببعض امثلةللناس المروشنة . العلم في الرأس مش في
الكراس ابن الاصول علي العين ولو انحبس سنة وسنتين
. اتلم سابق علي سوابق يبقي ليلتك طين ونهارك
غامق
ليلتكم فل سم سم
|
