|
بسم اللة الرحمن الرحيم
أمثالنا الشعبية 2
قال ضربو الآعور علي عينة قال
أهي خربانة خربانة .<والدنيا خربانه>
مساء الانوار علي كل الحبايب اول
وتاني وتالت علي طول السلام معاكم انا تاني علشان نكمل مع بعض موضوع
أمثالنا الشعبية الحلوة . <والحلو حلو ولو حتي لسة قايم من النوم
والوحش وحش ولو غسل وشة كل يوم> ياسلام تعالوا نشوف في أمثال اية اليوم
يالا بينا . <لاقيني ولا تغديني> مثل بحبة قوي يعني قابلني حلو
احسن ماتعزمني علي الغداء وتكون مركب لي الوش الجبس <الجعان يحلم
بسوق العيش > يعني ساعات الواحد يشطح كدة في احلامة فيتقال علية المثل دة
. <لبس البوصة تبقي عروسة> يعني لو وحدة وحشة قوي مع شوية ترويق
ولبس كويس تبقي عروسة . <أفتكرنا القط جة ينط > يعني لسة
بنجيب في سيرة شخص نلاقية قدامنا <واحد شايل دقنة التاني زعلان لية
>يقال للتدخل في شئون الغير . <اقرع ودقنة طويلة > لما تكون في
حاجات مش متناسبة مع بعض يضرب هذا المثل .< اقرع ونزهي > يقال للي بيضع
نفسة في مكان مش بتاعة . <أفطر علي رأس حية ولا تفطر علي فولة نية >
يضرب هذا المثل لكي يبين ضرر أكل الفول نيى . <أقعد في عشك
لما ألدبور ينشك > ينشك بمعني يطردك يعني خليك بقي في مكانك لغاية لما
يطلعك منة اللي ماتقدرش علية . <أقطع لسان عدوك بالسلام
عليكم > يعني المبادرة بالسلام والتحية تزيل اي ضغينة او أذي مبيت .
<لو كان فية الخير مكنش رماة الطير > يعني مفيش منة فايدة .
<أية اللي رماك علي المر؟ قال اللي امر منة > يعني مش بيدي شى .
<القرش الابيض ينفع في اليوم الاسود> دعوة للادخار وعدم الاسراف .
<أنا وأخويا علي أبن عمي وأنا وابن عمي علي الغريب > هي كدة
<معاكم معاكم عليكم عليكم >يعني مع الرايجة .
<صباح الخير ياجاري انت في حالك وانا في حالي > بمعني
عدم الاختلاط والبعد عن الناس غنيمة . <اللي اخذتة القرعة
تاخذة ام ألشعور > بمعني لاتبني احلام علي شى صعب تحقيقة .
< لقمة هنية تكفي 100 > بمعني اللمة حلوة
. اسيبكم بقي اليوم مع بعض من امثلة الاسطوات واصحاب
الحرف <أتلم تنتون علي تنتن يطلعوا الاتنين انتن وانتن > يعني
الطيور علي اشكالها تقع. < صباح الخير ياورشة مساءالنور يا فرشة > مثل يدل
علي الاستقامة يعني من البيت للشغل من الشغل للبيت . <اللي حيعرف ناس
مايعرفش فلوس > يعني التاجر لو اكتسب ود وحب الناس اكتر من حرصة علي
المكسب السريع سوف يكون رابح في الاخر بمعرفتة لهولاء الناس . < ومن حبة
ربة يحبب فية خلقة >و يارب حبب فينا خلقك يا كريم . أراكم علي كل خير سم
سم
|
