بسم الله الرحمن الرحيم 

      أمثالنا الشعبية6   

  مساء الخير مساء الخير. مساء الخير علي الشيكولاتة الورد ويا الشرباتا تملي حلو ومن يومك عايش حياتك ببساطة.  اخش في موضوعنا اللي مش عايز يخلص داة علي طول بعد احلي تحية علي عيون لينز عرب وقراء عرب لينز وانا وانت.   

   القرد في عين امة غزال  المعني واضح  اوي              قال ياقرد راح يسخطوك قال راح يعملوني غزال . يضرب المثل دة  للقبيح يعني مفيش بعد كدة حيسخطوة اية تاني.   زي النسناس مربوط من وسطة.يضرب لمن تحدث له اسباب تجبرة علي الاقامة بمكانة.زي القرد يخاف من خيالة  يقال المثل دة للدلالة علي الجبن وضعف القلب.  هو في اية انا حاسيس ان المقالة دية عمالة تطنطط مني علي سيرة القرود المهم.  زي القطط بسبع ارواح نقول المثل دة لمن تكثر نجاتة من الامراض الشديدة او المصائب.          زي القطط ياكلوا وينكروا.يضرب لمن ينكر المعروف.      زي كلب الدخاخني اعور وكييف.يضرب المثل ده لشخص وصل به الحال لحالة يرثي لها من القبح والادمان.          زي كلاب السكة يعضوا علي الماشي.نقول المثل ده لشخص الاذي بقي في دمة      زي الكلب يخاف ويخوف .يعني واحد بيخوف الناس بصوتة وهو نفسة مرعوب نقول لة هذا المثل .   زي العقربة قرصتها والقبر.يضرب المثل دة لشخص وصل اذاة للناس الي ابعد حد.  خليها بقي النهاردة حيوانات في حيوانات.   سكتنالة دخل بحمارة  يقال لمن اساة فهم المعاملة الحسنة والطيبة علي انها ضعف     زي الفراخ رزقة تحت رجلية يقال للشخص المرزق     زي القنفد لاينحضن ولا ينباس  يقال لشخص مقرف في نفسة وطباعة ماتقدرش تقرب منة    زي الخنفس لايتاكل ولا يتلعب معة   يقال المثل دة لشخص عديم المنفعة.     زي التعابين كل منهوا يجر علي بطنة  المراد من المثل سعي الانسان علي رزقة    زي ابو قردان ابيض وعفش     يضرب للي شكلة نضيف من بره ولكن جواة مش نضيف   كفاية كدة بقي علشان انا اتخنقت من الحيوانات اللي عمال اكتب عنها النهاردة  واكيد انتم كمان 

    اسيبكم علي الف خير  

 سم سم