|
بسم اللة الرحمن الرحيم
امثالنا الشعبية 7
مساء
الجمال والفوازير والالغاز عليكم انا ساكت ساكت وعمال اقول اصبر شوية وعمال
اعصر مخي واجيب الدماغ كدة واجبها كدة كل داه علشان اوصل لة طبعا عارفينة
هو عم <م م > اللي مدوخنا وباسطنا في نفس
الوقت.وربنا يكرمة اخونا السيد علي الشهير بالدبور اللي بعت كل رجالتة في
كل حتة في لينز وجابوا عاليها واطيها وجمعوا المعلومات وقريبا جدا سوف يعلن
الحاج احمد عرفة عن اعتقال المذكور م م. ومساهمة مني في القبض علية فقد
جمعت شوية معلومات وباقدمها لاخوننا للمساعدة. في ناس قالوا داة لسة جاي
من جوانتانموا في كوبا وفي ناس قالوا شافوه في نفق بين غزة واسرائيل..
واحد حبيبي ميكانيكي من الخليفة شافة في جبل الجيوشي بالمقطم واللة اعلم
.وواحد معرفة من الصعيد بيقول انة عايش مع المطاريد وبيقولوا عليه تار .
استر يارب انا مالي ياعم انا قلت اللي سمعتة ارجع بسرعة بقي لموضوعنا
وامثالنا بعد ماحبست كل الحيوانات بتاعة المقالة اللي فاتت علشان خاطر
نضارة عم سيد الغالي .نخش في الموضوع
دراع في بقك حية ولا صباع في بقك ست مثل
يتقال للتحذير من تقلبات الستات وليؤكد كيدهن.
الشايب لما يدلع زي الباب لما يخلع
دعوة لكي يحترم الراجل الكبير في السن افعالة
وسنه حبيبك يبلعلك الزلط وعدوك
يتمني لك الغلط يارب كتر من اللي يبلعوا
لنا الزلط وابعد الاعداء اللي واقفين لناعلي الواحدة في انتظار اي شي غلط
نعمله ست وجارتين علي قلي بيضتين
مثل يتقال لكثرة العمال في مكان لايستحق كل هذه
العمالة . زي يوم الشتاء قصير
ونكد يضرب لوصف ايام صعبة ولكنها برحمة
ربنا قصيره مثل الشتا الزايطة
والعيطة علي حتة مخيطة يضرب الاهتمام
بشي تافة وغير مهم والمشاجرة علية
صابح القوم ولا تماسيهم يعني اذا زرت
احدا تكون اثناء النهار زيارة الناس في اوقات متاخرة مش مستحبة
...
شعرة من هنا وشعرة من هنا يعملوا دقن
دعوة للتدبير والادخار طولة
البال تهد الجبال بالصبر تحقق
المستحيل واخيرا وتاكيدا لكلام عم م م وهو دعوة للم شمل الناس في
لينز وتصفية النفوس ودة كلام زي الفل ويارب يتم. اقول
صبح ولا تقبح داة المسامح كريم
يعني العفو من شيم الكريم وياكريم اكرمنا جميعا ليلتكم نعناع والنعناع
انواع وكل حبايبنا من اجود الانواع ... سم سم
|
