اه يأهل
لينز على الغربه
الغربه فرقه وبعد عن
الاحباب
بنلف وندور ونسيب هناك الاصحاب
ساعات بنرضى بيها وساعات نحسها عذاب
وجوا كل واحد فينا يتمنى نهايه للبعاد
لكن ايامنا بتجرى يوم بعد يوم ونساءل بعض فين ايام الشباب
واحلامنا بتدبدد جوانا وبعد وقت بتبقى سراب
وولادنا يعينى حيارى اتولدوا فى زمن قلاب
لا طبع شرقى واخدين وفى الغرب تايهين ومفيش عليهم عتاب
وبناتنا بتكبر كل يوم ومستنيا اللى يخبط على الباب
والام والاب عليهم مشغولين ودا عيب ودا حرام واوامر شداد
والخوف عليهم بيزيد يوم بعد يوم حتى من الاحباب
وفينا اللى بيبعتهم بعيد عنه وفى اخر البلاد
وكده قال يرتاح ويطمن وفي السنه مره يشوفهم كفايه على الولاد
الغربه غربه فى كل مكان لكن اصعبها غرببتك وسط الاصحاب
ودى احوالنا كلنا فى غربتنا كله من عيشته بيشتكى من غير اسباب
