انفلونزا الخنازير
والله الواحد فكره احتار ووقعنا فى بير
ملوش قرار
قالوا البقر اتجنن وبلاش اللحمه لما خلاص العقل طار
وبطلنا اكل اللحمه ومن الفراخ مفيش فرار
لكن حتى دى اتصابت وجاتلها انفلونزا دى حاجه مرار
واللى زاد وغطى انفلونزا الخنازير دى خلت الكل احتار
لا عارفين لها اصل ولا فصل لكنها سريعه الانتشار
ونصيحه منى اوعى تسلم اوعي تبوس ابعد عن النار
وان قابلك صاحب او حبيب سلم عليه من على بعد امتار
وان مراتك عطست ولا كحت بلغ عنها من غير خيار
وان قالوا مفيش فيها حاجه اعترض وسبها وبلغ فرار
العمر مش بعزقه ويلا نفسى وخلى مراتك مع نفسها وسط التيار
وربنا يستر على السمك ليطلع عنده كحه ولا شحار
اصل زمنا زمن العجايب ولسه ياما هنشوف اسرار
