بتفوت الايام وتعدى
والعمر بين ايدينا بيجرى
وكل واحد فينا مشغول ولا يساءل كام النهارده عمرى
واهم شئ فى الدنيا هما العيال والف من يقول دول هما سندى
ومعرفش سنده فى ايه ان كان من دلوقتى مبيحملش همى
ولا عمره ساءلنى عن شغلى وكل ما يشوفنى يقولى هتلى
اشى مصروف واشى
ملابس ومره تانيه انا عازم صحبى
ولبس اشكال والوان وموضات بتيجى وتعدى
وان اتكلمت يرد عليك الكلمه بعشره ومفيش احترام لراءيى
وان ما عجبه الكلام يقولك انا حر اعمل اللى يريحنى
واه لو زاد الحوار معاه يصرخ ويقول هيجبلي البوليس لحد عندى
واللى عيزه بيعمله وحتى مشورتي عنها مستغنى
جيل مهبب واحترنا معاه والله يرحم ايام ابويا وجدى
يارب اهديهم لنا وبارك فيهم ومش مهم انا خلينى فى غلبى
