|
|
ياهلا بالوفاق الوطنى
بسم الله خلونا نبدا والايد فى الايد ممدوده
بالسلام
وننسى اى خلافات ما بينا ونرجع حلاوة ايام زمان
وبلاش نقول دا اللى راح مبيرجعش لان ده مش كلام
وليه نشيل من بعضينا هو العمر فات منه قديه وباقى فيه كام
وان كان كل واحد فينا شايل من التانى ولسه منه زعلان
فيا ريت نفتكر ان احنا اخوات وبلاش يدخل بنا الشيطان
وان اختلفنا فى وجهات النظر مش هتكون نهايه الايام
وكل واحد فينا سند لاخوه ويهون عليه غدر الزمان
وفرصه وجات لحد عندنا نتلم من تانى ونحقق الاحلام
وبدا بيها دكتورنا حكيم زمانه الدكتور حمدي اجدع فنان
بين المخ والاعصاب دايما يوفق وان شاء الله هيوفق بينا كمان
وايدينا مع ايدك ممدوده فى غرفه عمليات السلام
بس من غير دم وشاش وقطن احسن علينا تقول يا رحمان
بالحكمه والعقل ومشرط الجلسه هيكون حلو الكلام
ويارب توفق ما بينا وانا اول واحد مستني السلام
وساعتها هنبعتلك كل اللي مخه ضيق توسعه باى شكل من الاشكال
وعجبى
|
