الدنيا بتغلى من
حوالينا والكل بيحكى عن الاسعار
وكل شئ فى ازدياد واصبح كله غالى نار
الاكل والشرب واللبس حتى العدس والفول والله دى حاجه
مرار
واللى يقول دى القيامه هتقوم واللى خلاص عقله طار
منين هيجيب للعيال ولا الغاز والكهربا والايجار
ولا التذاكر ولا الهدايا والله الواحد احتار
ولازم تشيل وتراضى الكل دى حاجه مفيش منها فرار
ويا ريته يعجب اى حد وتلاقى الكل محوشلك تل من المشاكل
والاخبار
وطبعا انت حلال العقد وشخشخ جيبك يا حلو يا ابو الافكار
وان اتعزمت فى يوم تلاقى ما لذ وطاب والكل عمال يختار
وانت فاكر انك معزوم وقاعد مطمن مش على نار
وفجاه تلاقى اللى واقف على راسك الحساب يا بيه ومفيش
اختيار
والكل بيبتسم ويضحك ويقولك هتدفع باليورو ولا بالدولار
وجيوبك نظفت وانت طالع تقول يا دى الليل اللى ملوش نهار
والكل يضربلك تعظيم سلام فى اى مصلحه وواقف فى الانتظار
طبعا البيه جاى من بره وهيرش على الكل رشه دمار
ودى احوالنا هنا وهناك وقد ايه صعب القرار
وعجبى
