اوصيكم بالله من كل قلبي    تفضلوا مع بعض متخانقين

وكل واحد فيكم يشوف اخوه    يضرب فيه شمال ويمين

واه كمان لو تسب كل     اللى تشوفه وكل القاعدين

ولا يهمك بتقول ايه    ولا كمان انت فين

ووالله وبجد ومن كل قلبي    ولا ليكم عليا يمين

انا كنت فرحان  بيكم قوى    وواقف اغنى زى المطربين

شعللها شعللها ولعها ولعها    وحط على الجاز بنزين

وكان نفسى الكل يشارك    وتبقى هيصه لكل الملايين

وزعلت قوى من الشويه    اللى كانوا واقفين متفرجين

وكان ناقصكم الشوم والعصيان    والجزم القديمه وحاجات كتير

لكن ملحوقه المره الجايه وطول منا   معاكم اوعوا للهم تكونوا شايلين

بس دايما خليكم كده والمره الجايه  يكون البوليس وطظ فى الزعلانين

وعايز دايما افخر بيكم واشوف    الدم سايل على الجبين

ومعايا دايما هتكسبوا    لانى ليكم دايما ناصح امين
                 وعجبى