الدنيا دوارة مكسب علي خسارة       وعجبي يادنيا العجب طبعك مالهش أمان غالب في ثانية اتغلب ثري صبح غلبان فقير. والدنيا حالها كدة ولكل وقت ادان .بأقول الكلام داه بمناسبة هزيمة منتخبنا القومي من امريكا وكنت لسةكاتب المقالة السابقة  عن فرحيتي بأدائة القوي امام البرازيل وايطاليا وكان نفسي يكمل فرحتنا ويوصل للادوار قبل النهائية في بطولة القارات ولكن ملحوقة ان شاء الله وممكن نرجع جنوب افريقيا تاني ونلعب كاس العالم وربنا يوفقنا لااننا بالرغم من الهزيمة استفدنا كتير قوي من البطولة دية بس للاسف الاعلام المصري بردة معاهم معاهم عليهم عليهم والمفروض الكل يتكاتف  وراء الفريق في هذة الحظات الحرجة لتصفيات كاس العالم وربنا يوفقنا دخلت انا كدة دخلة كورة واللي مالوش في الكورة يسامحني معلش.المهم بعد التحية والسلام والمحبة احب ان اشكر اعضاء جمعية الرحمن ومجلس الادارة علي اليوم الجميل الذي قضيناه في الفولكس هاوس اليوم 27-06-09 وكان فعلا جو عائلي أخوي جميل الكل انبسط فية الاولاد والبنات والستات واللآكل اة من الاكل الكل داس جامد والكل كان مبسوط وان شاء الله دايما نجتمع علي حب ومحبة يارب.وأقول لاي حد ماجاش انت فين ياعم ماتخلي عندك دم مفيش سؤال ولا مسد كول علي الله المانع خير وتكون بس مشغول. ليلتكم فل

سم سم