كلٌ يٌغني علي ليلاه

يعني ببساطة كل واحد عنده ليلي يغني عليها واللي معندوش يدور علي ليلي يغني لها واللي مابيعرفش يغني يتعلم الغٌني ومش لازم صوتك يكون حلو لأنك ممكن تِتِسمع مش حُباَ في صوتك ولكن كرهاَ في صوت الأخر المهم إنك تكون بتعرف تغني!

ومشاء الله اللي بيعرفو يغنو في عالمنا كتير وكتير قوي واللي بيسمعوهم أكتر

اليساري بيغني لليسارين وبيتسمع واليميني بيغني لليمينين وبرده بيتسمع

والعلماني واللي واللي.....وكله بيتسمع

وإحنا العربي بيغني لمين؟

 بنغني لليلي غيرنا مش علشان معندناش ليلي د عندنا بدل الليلي مليون

بس سبحان الله زي ما تقول مُدمنين ليلي الشقري البيضة أُُم عيون خضري نازلين فيها

غزل وغرام وطلبتها أوامر كل اللي عليها تقول إفتح ياسمسم هتلاقي دهب ويقوت ومرجان

وممكن تاخُد علي بابا فوق البيعة علي قلبنا زي العسل بس لو ليلي السمرة أُم عيون سودة طلبت حاجة

تسمع كل أغاني العذاب والهم والنكد وإيه السر في كدة محدش عارف

( والسر في الإزازة)

كل يغني على ليلاه.. وا أسفي
فإن ليلايَ.. لم تُولدْ ولم تَلدِ..
بحثتُ عنها.. طوالَ العمرِ في حلمي
ويقظتي.. ومتاهاتي.. فلم أجدِ..