كُرسي في الكلوب

طبعا فاكرين كلكم لعبة الكراس واللي مش فاكر أفكرة

  لعبة الكراسي لعبة قديمة وهي عبارة عن عدد من الكراسي اقل بكرسي من اللعيبة تبدأ اللعبة باللف حولين الكراس بسرعة

وعند كلمة قف كل واحد يلحق كرسي يقعد عليه وبكده يكون في واحد ملوش كرسي ويطلع بره

وكل مرة يقل عدد الكراسي وعدد الأشخاص لحد م يفضل كرسي واحد والإتنين الباقين يلعبو عليه. طبعا الكلام ده كان زمان وجَبر!

دلوقتي العملية إتطورت وبقي للكراسي  دور كبير في حياتنا  ومن أهميتها ممكن نقطع بعض عليها يعني مثلا من الكراسي تم إنشاء

فكرة (البرطمان) أقصد البرلمان تلاقي الحزب الفلاني كسب كام كرسي في البرطمان والحزب

العلاني أخد برده كام كرسي والل ماخدش حاجة يجيب حصيرة ويقعد يولول عليها علي حظه الهباب لأن اللي مالوش كرسي يضرب علي بطن

ولو عايز أي حد يمشي تحت طوعك ومايشوفش إلا اللي إنت شايفه ولا يسمع إلا إنت سامعه قوله الكُرسي بتاعك عندي وسيبه وهو هيكمل المسيرة مكانك

ومن أهمية الكراسي تفنن صُناع الكراسي في صناعتها يعني تلاقي كُرسي المدير

مش زي كُرسي الخفير وهكذا.. وما بالك بالكُرسي اللي بيتضرب في الكلوب د لوحده حكاية

تانية يعني لو إنت عايز تاخد أي حاجة وتجري وتخلي اللي حواليك يخبطو في بعض

إضرب كُرسي في الكلوب الكل يتساوي اللي بيشوف زي اللي مابيشوفش والكل هيضبش

في بعضه وإنت تخلع بالمصلحه بس إوعي حد يعملها لإن دي لها نسها مش لإي حد

وبكده يبقي عرفنا أهمية الكراسي بس لسه في الكُرسي الكبير وده مش هنقدر نتكلم عليه

مش خوف لاسمح الله بس حرام نتكلم علي حد مش موجود