مِنك لله يا نضرتي

ربنا يجازي الدكتور اللي قالي لازم تلبس نضارة ‘ من يوم ما لبستها وهيا عملة لي مشاكل

شُفت بيها اللي عمري ما شُفته في حياتي ‘ حتي الخفافيش اللي بتطير في الضلمة شفتها‘ وهي

عمالة تطير من هنا إلي هناك ‘ تقرص ده وتعض ده وشغالة الله ينور

والوشوش اللي كانت مدغششة ‘ بعد ما لبست النضارة شفتها بوضوح ‘ وشفت الإضحكة علي الشفايف

اللي كانت بالنسبة لي صافية بهتة ! ياي ياي سوفاش

منك لله يانضرتي ‘ ما أنا كنت كويس وفي حالي وعمال أصقف عمال علي بطال ‘ وكل ماحد يعمل حاجة

أقول له إيه الحلاوة دي إه العظمة دي؟

لا وإيه ده أنا كنت عايز أركب عدسات ‘وقلت بالمَرة ألون عنيا‘ أخلي وحده خضرة وواحده بمبي‘بس إلتقيته مشروع فاشل‘ لما حِتة نضارة تقلبلي حياتي بالشكل ده ما بالك بالعدسات هتعمل إيه

ولا جايز العدسات ترجع لي الصورة اللي كانت عندي في الأول ‘ الله أعلم

بس نصيحة اللي مرتاح كدة ميلبسش نضارة ‘وإن كان لازم يحُط بدل الإزاز صاج علشان مايشوفش حاجة ويريحنا ويريح نفسه

وأنا من نحيتي هأمن علي النضارة  ‘أو هبيعها في مزاد علني زي التحف الأثرية ولا لوحات الفنين الكبار‘  لأن شكلها كده وبعد الشُهرة دي معرضة للإغتيال‘ وعلمت من مصدر مش

موثوق به‘ إن اللي ما يسموش ‘ هيجمعو من كل قبيلة شاب قوي البُنيان وينقضو علي النضارة علي كلب رجُل واحد

ويقتلوها وبذلك تتفرق دمها بين القبائل

يبقي التأمين يدفع !!!!!!!!!!!!!!