نداء

إلي الأستاذ/ م م القاطن بمصر الجديدة بالمعادي

أرجوك لا تشرب هذا الدواء .. الدواء به سُمٌ قاتل

أُكرر هذا النداء، وعلي من يعرفه أن يحذره من هذا الدواء ، لإنه به سم قاتل

لقد إجتمعت الجالية علي قلب رجلُ واحد وأهدرو دمك، وأصبحت مطلوبا حيا أو ميتا

وعلي هذا نرجو أن تلزم بيتك ولا تحاول الخروج منه البتة!!!!!

وسوف تتكلف شبكة لينز عرب بحمايتك ، وذلك بتعين حراسة خاصة علي بيتك اللي مش عارفه ، وكذلك علي مكان شغلك برده اللي مش عارفه ، أو زراعة فدان ذرة لكي تختفي به

لأنه سوف تخرج كل الجالية عن بكرة أبيها في ليلة مظلمة حاملين

المشاعل لإحضارك عنوة، علي أن يكونو صفوف متراصة، وفي حالة القبض عليك

سوف تطلق الأعيرة الناريه بالهواء، تتبعها صيحات التكبير المدوية ،وكذلك الزغاريت

ثم الأغاني الوطنية وأغاني الإنتصار

علشان تحرم تضحك علي نضارتي اللي يجي علي نضارتي ما يشوفش خير أبدا!!

إلي الأستاذ/ صلاح رجب الشهير بي سم....سم

هَو   هَو   هَوهَو   نِيو   نِيو     ماااااااااااااااااااااء

بالله عليك ياشيخ بلاش الغابه اللي عملهلنا علي الصفحة، الأسبوع اللي فات جيت أقرأ الصفحه لقتها مهزوزة

قلت جايز النضارة الجديدة، قلعت النضارة مشفتش حاجة، لبستها تاني لسه الصفحه مهزوزة ومش بس كدة

ده أنا سامع أصوات غريبة، قلت مش معقول ممكن تكون النضارة تاني،ولا ممكن تكون ودني باظت، وقعدت محتار في أمري

لحد موصلت للمقال بتاعك عرفت السبب ، لقيت قطط وقرود وكلاب وعقارب ونسانيس قلت هم دول اللي عملين الهيصة  علي الصفحة، والظاهر والله أعلم هُما بردة اللي أكلين البضاعة اللي في المحل

وإنت كل إسبوع تقولي أنا جايب سمك فِش وفِرش وعلشان كدة بيخلص بسرعة

لا يامعلم هما شوية الحيوانات اللي مربيهم مخلصين علي كل حاجة

تعالي نحسبها سوا، هتلاقي القرد أكل الموز، والقطة أكلت السمك ،والحمار أكل علب الفول والنسناس أكل الفول السوداني، وخليلك إنت الجبنة والزيتون والحاجات الخنافس دي

المرة الجاية لما تجي تكتب عنهم، إبقي إربطهم في أي حتة ينوبك سواب في النضارة والصفحةّّّّّّ!!!!!!!!!!

باي صلحوتي