تعكير الصفو العام

بصراحة كده ومن غير مقدمات مقالاتي ممنوعة من النشر بقالي أربع أسابيع ومتهم بتهمة تعكير الصفو العام

طبعا أنا مش فاهم يعني إيه الصفو العام بس ده كلام المشرف العام علي موقع عرب لينز ربنا يجازيه

ومش كده وبس ده عايز يقنعني إن كلامي مؤثر علي الرأي العام‘ تقولش أنيس منصور

وكل ما أبعت له مقال يقول لي كلام جامد ومتين ‘وفي نهاية الأسبوع ألاقي صحبنا مختار

مقال من المقالات القديم علي مزاجه‘ زي مسلسلات التليفزيون يقعدو يعيدو ويزيدو فيها لحد منحفظها‘ وأهو علي رأي

المثل التكرار يعلم........ الشُطار

 ومش كده وبس ده شكله ناوي يحدد إقامتي ويعدلي السلالم بتاعة البيت

وكل مرة عايز يقنعني ويلبسني العِمه إني متكلمش في اللي حصل بحجة الصفو العام اللي مش فاهمه

  وأنا هموت وأتكلم ؟

من الأخر كده أنا فاض بيا ومليت علي رأي الست‘ وبعت للسيد المشرف العام إنظار علي يد مُحضِر‘ وأول

ما عرف إني إتفقت مع  شبكه تانية لنشر اللي عايزة‘ صحبنا إتكهرب وقل لي شكلك ناوي تفضحنا

وعمل معي إتفاق‘ إني أكتب اللي عايزه بس بلاش دلوقتي أكتب حاجة من اللي حصلت

عموما مش مهم أكتب دلوقتي‘ مسير الأيام تبين كل حاجة وبردة هنشرها في مذكراتي

وحرصا مني علي عدم تعكير الصفو العام اللي مش فاهمه

بالنسبة للستات حفظهم الله من كل سوء كل سنة وإنتو جميعا بخير وحب وسعادة بمناسبة عيد الأم

طبعا أنا عارف إن عيد الأم في مصر فات من زمان بس عيد الأم في النمسا يوم الحد 10\05\09

أعاده الله عليكم بالخير والسعادة في ظل أُسركم وحفظكم لهم وحفظهم لكم

وكل سنة والجميع بخير أجازات الصيف قربت أعانكم الله علي مصاريف الأجازة